MTKP Blood Donation Calendar bawhzuina kal zelah kar hmasa Inrinni, September 19,2020  khan Chandmary Unit(Lawngtlai), Bethel Unit leh Venghlun Unit, Rahsiveng Bial te chuan  thisen pek runpui an nei.

Chanmari Unit, Lawngtlai Blood Donation Camp-ah hian Lawngtlai Area TKP Co-ordination aiawhin Pu V.Lalengvara chuan kalkhawmte hma ah thu sawiin “Lal Isua ringtute kan nih ang in thisen pek hi a inhmeh hle a. Hei hi TKP te hian kalpui zel ila. Phut let nei lo rawngbawlna hi Lal Isua rawngbawlna a nih tlat avangin, thisen pek rawngbawlna hi i kalpui zel ang u”, a ti. Chandmary Unit te hian Thisen Unit 21 pein i mipa 20 leh Hmeichhia 1 an ni.

MTKP Blood Donation Calendar bawhzui hian Rahsiveng Pastor Bial TKP te pawhin September ni 19 khan BCM Venghlun Hall ah Blood Donation Camp an buatsaih a, Thisen hi Christian Hospital Serkawna thawktu ten a hmuna kal in an la a ni. Tun tum Blood Donation Camp ah hian Rahsiveng Pastor Bial chhung TKP unit pahnih, Bethel leh Venghlun atang te in thisen hi an pe a ni. Thisen petu te hi Bethel Unit atangin 9, mipa 8 leh hmeichhia 1, Venghlun unit atangin 15, mipa 8 leh hmeichhia 7, an vaiin mi 24 in an pe a ni.

Rahsiveng Bial atang hian Unit hrang hrang ten MTKP Calendar siam angin thisen an pe kim ta a, Bial pum huapa an pek zat chu Mipa 56, Hmeichhia 38, a vaiin thisen unit 94 an pe ani. Hetiang hi Unit hrang hrang pek dan a ni