November 28, 2020 (Inrinni) khan Țhalai Kristian Pawl, Republic Vengthlang Pastor Bial, Aizawl chuan Rorel vawi 6-na leh Hruaitu thlanna BCM Biak In, Venghlui ah neih a ni.

Kumin hi Bial ȚKP Inkhawmpui neih kum a ni a.  Nimahsela Covid-19 hripui leng mek avanga Mizoram sawrkar thuchhuah bawhzuia BCM Administrative Committeee lamin Kohhran leh a hnuaia Committee/Fellowship hrang hrangte chu mipui punkhawm theihna tur Programme buatsaih lo tur leh Inkhawmpui nei turte pawh Rorel chauh kalpui tura thuchhuah a rawn siam angin Inkhawmpui nei lovin Rorel leh Inthlanna chauh neih a ni.

ȚKP, Republic Vengthlang Pastor Bial Rorel vawi 6-na hi Pu Lalhmunsiama Pautu, President in kaihruaiin, Rorel kar lakah Bialtu Pastor Rev. JC. Vanlalluaia kaihhruaina in hruaitu thlanna na neih a ni bawk.

Bial ȚKP Rorel ina kum 2021 chhunga hmalakna tur hrang hrang a Pass te chu hetiang hi a ni. 1. Bial Hruaitute Unit tlawh thu. 2. Mission Relief Fund - puala sum dah thu. 3. Covid-19 puala Biak ȚKP huap țawngțaina neih thu. 4. Covid-19 puala Relief Fund - neih thu. 5. Bial ȚKP Chanchinbu (Voxdei) chhuah chhunzawm. 6. Dan Puitlinga Inneite lawmpuina pek. 7. Mission Support - puala sum dah. 8. Bial ȚKP Member BCM Missionary - a kal lawmpuina pek. 9. ȚKP Ramthimni zan (29th May, 2021) ah Bial ȚKP hmalaknain zan chanve țawngțai Unit tina neih thu. 10. Micro Entrepreneurship Development Seminar - Bial huapa neih nise. 11. Christian Hospital Lawngtlai pualin kum 2021 - ah Bial chhung Unit tin ten vawikhat fehchhuah neih nise. 12. Kum 2021 - ah Bial ȚKP Sport neih nise. 13. Bial huapin Ngaihhlut tur dik (Value System) chungchang inzirtirna neih thu. 14. Kum 2021 - ah Unit intlawhthelh neih nise. 15. Kan Bial chhung ațanga Missionary kalchhuakte Krismas thilpek hlan nise. Kum 2021 Bial ȚKP Budget atan Rs. 137,000/- pawm a ni. Kum 2020 - 2022 Hruaitu tur thlan chhuah te chu hengte hi an ni. President : Pu Lalhmunsiama Pautu (Republic Vengthlang Unit) Vice President : Tv. Lalhmangaihtluanga Sailo (ITI Veng Unit) Secretary : Tv. Albert VL. Rohlua (Republic Vengthlang Unit) Asst. Secretary: Pu Jonathan Lalvenhima (ITI Veng Unit) Treasurer : Nl. MS Dawngkimi (Bethlehem Vengthlang Unit) Fin : Secretary : Pu C. Lalmuanpuia (Venghlui Unit) Bial ȚKP Rorel Palai mi 46 kal thei turah mi 42 an kal thei a ni.