May 29, 2013 – Nilaini Ni hi TKP Ramthim Ni a ni a. Kuminah pawh he ni hi TKP Unit hrang hrangah urhsun taka hman a ni leh dawn a. Kumina TKP Ramthin Ni thupui atan “Ka tir che a ni lawm ni” (Roreltute 6:14) tih thu hman a ni ang a, Mission pualin Tawngtai thupui siam sa hmangin tawngtairual neih a ni ang . Hemi ni (zan) Inkhâwm thawhlâwm chu Mission rawngbâwlna atân hman a ni bawk ang.
TKP Ramthim Ni Programme hmanpui tur hian MTKP hruaitute hetiang hian an chhuak ang:- Rev. R. Lalbiakliana (President) - Kikawn Unit-ah, Pu Victor Lalrinawm Sailo (Vice President) - Moria Unit-ah Rev. Samuel Lalremsanga(Organiser) Venghlun Unit-ah, Pu T. Lalhlimpuia (Asst.Secretary)- S.Hlimen Unit-ah, Pu R. Lalengliana (Fin.Secretary)- Serkawn Unit-ah.
TKP Ramthim Ni lo chhuah dân
TKP hian a din tirh phat atangin Chanchin |ha hril a vei hle a, ramthim rawngbawlna kawngah pawh hma a la tan hma hle. District |KP Inkhâwmpui hmasa ber, October 21-23,1955 chhûnga Pûkpuia neihah chuan ‘|KP hminga thuhriltu tirh thu’ngaihtuah a ni a. Inkhâwmpui vawi 2-na Hnahchang khuaa kum 1956-a neihah pawh ‘Tuikuk Takam pual Ni bîk neih’ chungchâng rel a ni leh a, District |KP Inkhâwmpui vawi 5-na Rahsivênga neihah chuan ‘Tuikuk Takam puala thawhlâwm neih thu’ chu passed a ni bawk. Inkhâwmpui thurel bawhzuiin kum 1959 October ni 5 (Thawhtan zân) chu Tuikuk Takam pual Ni atân hman a ni a, thawhlâwm pawh Tuikuk-Takam pual atân Headquarters-ah chhun luh a ni. District TKP inkhawmpui,1960-a neih chuan Tuikuk Takam pual Ni atân September thla Thawhtan ni hnuhnung ber hman ni se tiin a rêl a, hemi kum hian September thla thawhtan ni hnuhnung ber chu September ni 26 a ni. Tuikuk-Takam Pual Ni chu huap zau zâwka kalpui tha tih a nih avângin kum 1969 atangin Ramthim Ni tia thlâk a lo ni ta a, a hun thu-ah pawh mumal zâwka hman a nih theih nân September ni 26 chu ruat ngheh a ni ta a ni.
September thla hi Beirual thla a nih avâng leh thla chawhnu lamah Kohhranin programme pawimawh tak tak a siam thin avângin |KP tân remchan tâwk lohna a awm thîn avângin kum 2006-a M|KP rorelna S.Vanlaiphaia neihah chuan May thlaah sawn nise tia rel a ni ta a. MKP Executive Committee chuan chak taka bawhzuiin BCM in Mizoram pâwna missionary a tirh chhuah hmasak ber Rev H.Rokhama tirh chhuah ni, May ni 29 chu Ramthim Ni atân hman ni tawh se tiin a ruat fel ta a, 2007 atang chuan May ni 29-ah Ramthim Ni hi hman thin a lo ni ta a ni. Pathian khawngaihna avângin BCM-in rawngbâwlna huang a zauh zêl a, ramthim rawngbâwlna kawngah TKP ten hma kan sawn zêl theih nân Ramthim Ni hi uar taka kan hman thin a pawimawh hle a ni.
