October ni 20, 2021 (Nilaini) khan Ṭhalai Kristian Pawl (ṬKP) Mampui Pastor Bial chuan Lawngtlai Area Ṭhalai Kristian Pawl Co-ordination Committee (LAṬKP) in Blood Donation Calendar a siam bawhzuiin thisen pek runpui an buatsaih a, thisen hi District Blood Bank, Lawngtlai-a thawktute’n a hmunah kalin an la a ni. BCM Gilgal, Mampui kohhran Hall-ah Blod Donation Camp hi buatsaih a ni a. Pathian hnena inkawltirna hun hmang in Pu Ramdinpuia, President, TKP Mampui Pastor Bial-in kaihruaiin, Rev. B. Rosangzuala, Mampui Bialtu Pastor-in tawngtaina hun a hmang a.
Thisen petute hi mipa 28 leh hmeichhia 7, an vaiin mi 35 an ni a, thisen unit 35 an pe a ni. Blood Donation Camp hi Lawngtlai Area ṬKP hruaitute leh AVBD, Lawngtlai hruaitu ten hmanpui in thalai thisen petu te hnenah lawmthu leh fuihna thu an sawi a ni.
