June 20-24, 2018 chhûng hian Zema Baptist Association (ZBA) Nagaland hruaitu mi palite chu Mizoram Baptist Kohhran leh TKP te nena inûnauna siam tûr leh kan kalphung te zirchiang tûrin an rawn zin a. MTKP hruaituten lo dawngawngin an buaipui a ni. Anmahni lawmna inkhâwm hi June 20, 2018 (Nilaini) zan khan Mizoram Baptist Kohhran Biak In Zotlâng North-ah buatsaih a ni.

MTKP Vice President, Upa H. Lalthangliana’n Inkhawm kaihruaiin, rev.Lianchhunga Khiangte, Organiser-in MTKP hmalak dan leh kalphung report tlangpui a pe a, ZBA lam atangin report leh thuchah ngaihthlak a ni a, Electric Pastor Bial Zaipawl, Zotlang Pastor Bial Zaipawl leh Nl. Bethsy Lalrinsangi te an zai bawk. Heng mikhual te hi BCM Guest House, Serkawnphei-ah thlengin, an châm chhûngin BCM hmunhmâ pawimawhte tlawhpui an ni ang. ZBA hruaitu lo kalte chu hêngte hi an ni:

1) Mr. Iluilung, Development Secretary, ZBA. 2) Mr. Edaneing, Mission Secretary, ZBA. 3) Diguang, Vice President, Youth Department. 4) Kebau Riame, Secretary, Youth Department.