July 30, 2021(Zirtawpni)  hi Thalai Kristian pawl (TKP) din champha phak vawi 70-na a ni a. Kumin TKP Day thupui atan "Lalpa lam i hawi ang u" (Tah hla 3:40)  tih a ni. Kum dngah chuan TKP Day hi Unit tinah urhsun taka hman thin a ni a. Unit ten an ruahman angin Social Service te neiin zingkarah hnatlang leh chhun lamah intihhlimna programme te siamin zan lamah TKP Day lawmna inkhawm te neih thin a ni a, Thupui thlan sa hmangin thuchah ngaihthlak a ni thin.

Kan hriat angin Covid-19 hrileng avangin nikum atangin Kohhran programme hrang hrang te neih hleih theih a ni lo va. TKP Day pawh ruahmanna angin hman theih a ni lova. Chutihlaiin, Mizoram hmun hrang hrang leh Mizoram pawna TKP member ten TKP Day vawi 70-na hi hlawk taka an hman theihna turin TV leh Youtube kaltlangin Programme hi buatsaih a ni.

Inkhawm hi zan dar 9:00 -ah LPS leh Zonet - Zawlbuk channel-ah te pek chhuah a ni ang a, MTKP YouTube Channel -ah pek chhuah a ni bawk ang.  Inkhawm hi Rev. K. Lalbiakenga, MTKP Secretary-in a kaihruai ang a, TKP din dan leh Report tlangpui a pe bawk ang. BCM General Secretary Rev. F. Ramdinmawia’n TKP Day Chibaibukna sawiin, MTKP President Rev. Vanlalmuankima hnen atangin Thuchah ngaihthlak a niin. Nl. Miriam Lalnundiki leh Jonatha Lianhna ten zaia rawngbawlna an nei bawk ang.

MTKP Secretary report-in a tarlan danin – tun dinhmunah TKP te hi Pastor Bial 88-ah Unit 420 awmin, Member 44,228 an awm mek a ni.