BCM Assembly 2021 in Zemabawl Pastor Bial atangin Thuampui Pastor Bial thar hawn ni rawh se ti a a lo passed tawh chu Pastoral Department-in bawhzuiin June 13, 2021 (Pathianni) khan Zemabawk Pastor Bial atangin Thuampui Pastor Bial thar chu hawn a ni ta.

Pastor Bial thar hawn Inkhawm hi Rev. C. Lalremmawia Zemabawl bialtu Pastor-in a kaihruai a, Upa Lalmuansanga Hnamte  Zemabawk Bial Secretary-in report a pe a. Rev Dr. R. Lalthanmawia ES Aizawl –in Pastor Bial thar hawnna nei in thuchah tawi a sawi nghal a. Rev. JC. Vanlalluaia’n Bial thar hlanna tawngtai leh hruaitu thar hlanna tawngtaisakna neiin, Rev. Hrangaia Hmar Aizawl East Bialtu in Malsawmna in inkhawm a tin a ni. Pastor Bial thar hawn inkhawmna hi BCM Biak In thuampui ah neih niin SOP ang in mi 30 an tel a ni.

Thuampui Pastor Bial-ah hian Tualchhung Kohhran 5 awmin,  Rev. C. Lalhunglianna chu Bialtu Pastor hmasa ber ni turin Bial hi a thutchilh ve nghal dawn a ni.

Thuampui Kohhran-ah  Member 460 awmin, Kohhran Upa 15 Rawngbawltu. 4 an awm a,  Thuampui Vengthar Kohhran-ah  Member 92 awmin Kohhran Upa an la nei lo a, Rawngbawltu 4 an awm mek a, Zuangtui Kohhran-ah   Member 224 awmin Kohhran Upa 3 leh Rawngbawltu 7 an awm. Bethel Kohhran (Zuangtui) –ah Member 142 awmin Kohhran Upa 2 leh Rawngbawltu 6 an awm a, Muanna Kohhran-ah Member 303 awmin Kohhran Upa 3 leh Rawngbawltu 6 an awm bawk.

Bial hruaitu (OB) atan hengte hi ruat an ni: Chairman : Upa Lalchhuma Chairman Elect : Upa HC. Lalsangzuala Secretary : Upa V. lallungmuana Asst. Secretary : Upa F. Lalawmpuia Treasurer : Upa P. Siamhranga Asst. Treasurer : Upa R. Neihlaia