Tunkar Pathianni, May 31 hi Thlarau Thianghlim thlen ni (Pentecost Ni) a ni a. He Ni hi khawvel pumah Kristian te chuan urhsun takin an hmang thin a. Mizoram Baptist Kohhran pawhin he ni hi Special Sunday atan a hmang thin a ni. Kumina Thlarau Thianghlim thlen Ni thupui atan โThutaka min hruaitu Thlarau Thianghlimโ (Johana16:13) tih a ni.
Kuminah hian Covid-19 hri leng avangin thla hnih zet rampumah a huhova thiltih leh punkhawm khap a ni ta a. Kohhran te pawh hun rei tak Biak Inah inkhawm leh thiltih ho a theih loh avangin Thlrau Thianghlim Thlen Ni (Pentecost Ni)-ah pawh Inkhawm a rem loh avangin Headquarters atanga Programme duan ang te Biak In lamah kan hmang thei dawn lo va. Amaherawhchu mahni chhungkua theuhah a remchan anga he hun pawimawh tak hi hmang tur leh Headquarters atanga thupui leh tawngtai subject duan sa te hmanga tawngtaihona hmang tura ruahmanna siam a ni.
He mi ni puala Sunday school zirlai hrang hrang te pawh Communications Departement chuan buatsaih in Khawnvar Channel-ah Inrinni zan leh pathianni chhun leh Pathianni zanah te pek chhuah a ni a, BCM Youtube Channel โBaptist Church of Mizoramโ ah pawh pek chhuah a ni bawk.
