Pastoral Department Committee ruahmanna, Assembly Executive Committee leh Assembly 2022 in a pawm tak bawhzuiin, Thenzawl ABC thar hawnna Inkhawm Tunkar Nilaini (March 30, 2022) khan Mizoram Baptist Kohhran Biak In, Bethlehem, Thenzawl-ah neih a ni.
Inkhawm hi Rev. C. Chhuntluanga, Director Pastoral Ministry Department-in kaihruain, ABC thar tur-a Bial leh Kohhran dinhmun tlangpui a sawi nghal a. General Secretary Rev. F. Ramdinmawiaโn ABC thar hawnna neiin thuchah a sawi nghal a. Rev. N. Vanlalzuaia, Bialtu Pastor, Chhipphir Bialin ABC Puipa atana ruat tharte Pathian hnena hlanna leh tawngtaisakan nei a, Upa C. Laldintluanga, Secretary, Serchhip ABC-in thu a sawi bawk. Pu C. Lalthangzelaโn Pathian fakna hla saiin rawngbawlna a nei a, Rev. David Lalmalsawma, Bialtu Pastor, Thenzawl Bial-in Malsawm tawngtaiin Inkhawm a khar a ni.
Thenzawl ABC hi Serchhip ABC atanga indang niin, Pastor bial pahnih - Thenzawl Bial leh Chhipphir Bial te an awm ang a, Tualchhung Kohhran 14 awmin Kohhran member 4214 an awm dawn a ni. Serchhip ABC-ah hian Pastor Bial 5 - Serchhip Bial, Pangzawl Bial, New Serchhip Bial, N. Vanlaiphai Bial leh Bungtlang Bial ten awmin, Tualchhung Kohhran 20 leh Member 6257 an la awm dawn a ni.
