zo-clinic[/caption]
Mizoram Baptist Kohhran, Relief & Development Department chuan kum tina an tih thin angin BCM R&D Training Centre, Ramzotlang-ah Thingtlang khua, Doctor thlen phaklohna hmuna awmte tan ‘Zo Clinic progamme-in Technician Training’ khaw 5 tan a buatsaih leh a. He Training hian October thla chhung a awh ang.
Kum dang ang bawkin Training chhuakte hian Microscope pakhat theuh an dawn gang a, anmahni khua-ah Zo Clinic hawng ve nghal thei tura beisei an ni. Thisen en bakah hian Injection te, BP Check te, Blood Sugar en te pawh thiam tir nghal turin Training pek an ni. Zo Clinic hi Mizoram chhung thingtlang khaw hrang hrang-ah kalpui mek a ni.
BCM, CMAI (Christian Medical Association of India leh Mizoram Sorkar thawhhona hnuaiah Malaria do hna thawh chhunzawm mek a ni a, khaw hrang hrang thlan bika thawktu tur Community Health Volunteer Training pawh CMO Conference Hall, Lunglei-ah neih thin a ni bawk.
Tin, BCM R&D hian Bye-Bye Malaria tih thupui-a hmangin Malaria dona Programme a nei bawk a. Canada atangin mi thiam Pu Stuard Spani chuan hemi Programme atan hian Malaria umbona hmarua - Thing tiak Affricca atanga lakluh chu rawn kengin tunah hian R&D Firm, Darzo-ah tih pun mek a ni bawk.
