March 3 – 5, 2023 chhung khan Baptist Mipa Pawl, Tawipui ‘N’ Pastor Bial chuan . Josua 3:1 thu “Kei leh ka chhungte erawh hi zawngin, Lalpa rawng  ania kan bawl dawn ni”, tih thupuia hmangin Bial BMP Sports Meet leh Leadership Training, Mualthuam ‘S’ –ah an nei a, MBMP President Rbt Chawngrolura Chawngthu chu Speaker leh Resource Person-ah hmangin, Pu B. Malsawmkima, Chanmari, Lunglei-in a tawiawm. Zirtawp zan, Inrinni zan, Pathianni zing leh Pathianni zanah te  Kohhran pum huapin Pathian Biak Inkhawm neih thin a ni a, Speaker thuchah bakah, BMP Unit hrang hrang zaipawl leh Tv . H. Lalthanmawia te zaia rawngbawlna ngaihthlak thin a ni. Inrinni chhun-ah Infiamna leh in tihhlimna hun hmangin, Pathianni chawhnu –ah Leadership Training an nei a,  Bial leh Unit tin atangin hruaitu te bakah member an kal tha hle.

Tawipui North pastor Bialah hian BMP Unit 4 – Tawipui N-1, Tawipui N-II, Thualthu leh Mualthuam ‘S’ te awmin, BMP member 196 an awm mek a ni.