Tunkar Inrinni leh pathianni hmang hian January 24-25, 2015 Tawipui Pastor bial chuan Tawipui South Biak inah Worship Seminar an buatsaih dawn a; He Seminar-ah hian General Secretary Rev.H. Lianngaia leh Worship & Music Director, Rev.KV. Thanga te chu Resource Person cum Speaker niin an hmanpui ang.
Kohhran thar hawng:
Kar hmasa
Mission Promoter Jharkhan Field-ah
Jharkhan Mission field chuan January 23-25, 2015 hian Inkhawmpui an nei dawn a, speaker atan Upa HS. Lalhmingthanga, Mission Promoter hmangin Non Mizo zaipawl (Gospel Light)ten zaia rawngbawlin an tawiawm ang. Mission Promoter ho hian January 26-27 ah Missionary 4 leh Native worker 15 ten Retreat an neih chhunzawm dawn a ni.
Zobawk North Bial TKP Inkhawmpui
Zobawk North bial TKP chuan January 23-25, 2015 hian Bazar Biak inah inkhawmpui an nei dawn a; speaker atan Upa PC. Vanlalrova hmangin Hnahthial North bial Zaipawlin an tawiawm ang.
M.Th Zir turin inziak tling:BCM hnuaia Pastor thawklai pahnih, M.Th zir tura thlan - Rev Israel Lalremtluanga leh Rev HS Lalramnghaka te chu an kal tumna Theological Collge-ah Entrance Exxam paltlang v eve-in M.Th zir tura lak a ni ta. Rev. Israel Lalremtluang hi "North India Institute of Post-Graduate Theological Studies" hnuai-ah M.Th Religion in ziak tlingin Serampore College-ah a zir thei dawn a. Rev HS Lalramnghaka, hi United Theological Collge (UTC) Bangalore-a MTh (Missiology) a zir thung ang.
Rev. PC. Muanthanga’n hma sawn zelMizoram pawna kum 30 chuang zet rawngbawlna hrang hrang avanga awm Rev.PC. Muanthanga chu nikkum lam atang khan Cancer natnain a tlakbuak a. Vellore-ah inenkawlin chhungkuain an awm a. Kohhranhote tawngtaipuina avangin hma an sawn zel a, amah tawngtaipui thintute hnenah lawmthu an sawi a. Natnain a tlakbuak mek laia a Pathian thu rawn thawn chu, “Ka thi lo vanga, ka dam ang. Lalpa thiltihte chu ka puang zawk ang” (Sam 118) thu a ni. Kan lawmpui a, dam thuai thuai se kan ti. I tawngtaipui zel ang u.
