Mizoram Baptist Kohhran, Finance Department chuan  April 1, 2015 thleng khan Rs. 5,224,011 in kum 2014-2015 target khum a ni tawh thu a report a. Amaherawhchu, he report-ah hian Bial kilkhawr leh hla deuh atangin a la lut kim hman lo deuh a, a luh kim hunah chuan hei aia tam hian kan khum ngei a beiseiawm hle a ni an ti.

Finance Deapartment tarlan danin kum 2014-2015 BCM Target pumpui Rs. 352,378,000 atangin Rs. 357,602,011 a luh tawh a, Pastor bial 77-ah bial 54 in target an tlin a, bial 23 in an la tlin lo va, target tlin bialte chu Lunglei Area-ah bial 37-ah bial 28, Aizawl Area bial 25-ah bial 18 leh Lawngtlai Area bial 15-ah bial 8. Pastor bial bakah MTKP leh MBKHP in target an tlin laiin Missionary Support atanga hmuh beisei Rs. 15,000,000 ah Rs. 14,988,199 hmu tawhin Rs. 11,801 in la tlin loh a ni a ti. Finance Department hian Bial atanga a luh kim hunah chipchiarin rawn tarlan an tum a ni.