April ni 3, 2021 (Inrinni) khan Lawngtlai Area-a T. Dumzau Khua leh Hmawngbu khuaa in kang tuarte BCM aiawha tlawh leh chhawmdawlna pe-in Rev. R. Lalnunzira, Executive Secretary Lawngtlai, Rev. K. Laldosanga Bialtu Pastor , Lawngtlai South leh Lawngtlai khawpui chhunga Kohhran Upa 5 te chu a hmunah an kal.
March 27, 2021 khan T. Dumzau khua hi an lo hal meisiin man kaiin, in 27 zet kang ral a, heng kangmiei tuarte tanpuina atan hian Executive Secretary Office, Lawngtlai, BCM R&D Department, Electric Veng Kohhran, Lawngtlai, Lawngtlai North Bial ṬKP te leh heta kalhote thawhkhawm Rs. 45,000/- chu, BCM aiawhin Executive Secretary hian a hlan a, Hmawngbu khuaa Pu Sankima In kang ral vek pawh BCM aiawhin Rs 2,000/- pe-in a tanpui bawk.
