SS Trainers Meet May 2019[/caption]
May 30, 2019 chawhn dar 2:00 Khan Mizoram Baptist Kohhran Sunday School Trainers’ Meet, BCM Committee Hall-ah neih a ni a. He hunah hian Lunglei, Aizawl leh Lawngtlai lama Sunday School Trainers te an lo kal tha hle. He Meet hi Christian Education Department Director Rev ZD Rodingliana’n kaihruaiin Kum 2019 atana BCM Sunday School hmachhawp te thlirin hmalak zui dan tur te an sawi ho.
Sunday School Prorgramme hman zah hnuah Sunday School Promoter, Pi H. Lalkimi chu May 31 hian Superannuation Pension-a a chhuah dawn tak avangin amah thlahna neih nghal a ni a, Ngaihhruihna thuziak(Citation) mawi tak an hlan a, tlai lamah zanriah an kilho nghal bawk. Pi Kimte-i chhuahsan, Sunday School Promoter hna hi Pi B. Singpari’n a thawk ve leh dawn a ni.
[caption id="attachment_14369" align="aligncenter" width="720"]
Pi H.Lalkimi, SS Promoter thlahna thuziak hlan[/caption]
Pi H.Lalkimi hi Mizoram Baptist Kohhran hnuaia thawk, Hmeichhe Theologian kan neih hmasak te zing a mi a ni a. BCM hnuaia a thawh lai hian BBS Chawngte-ah Missionary hna te, JBS leh MTI ah zirtirtu hna te, MBKHP Secretary leh Organiser, BCM Literature Reader hna te leh Sunday School Promoter hna te a chelh chho a ni.
Full time-a a hna thawh bakah hian, MBKHP Asst.Secretary leh Treasurer te, Executive Committee member te, Grace Society (Chhawmdawlna In) Managing Board -ah Fin.Secretary leh member a nih bakah tunah hian Treasurer a chelh mek a ni. Tin, Bial BKHP Secretary leh Tualchhung ah OB Post hrang hrang te a chelh thin a, tunah hian Sethlun Unit BKHP Secretary hna a chelh mek a ni.
[caption id="attachment_14371" align="aligncenter" width="720"]
SS Trainers Meet May 2019[/caption]
June 3, 2019 (Thawhtanni) chawhnu khian a thawhna Office, BCM Headquarters Office Staff Welfare te chuan amah thlahna Programme an buatsaih leh dawn a ni.
