Sunday School Kum Tawp (2020) Exam Neih leh Neihloh Chunchang Christian Education Department-in Bial leh Tualchung Kohhran te kutah a dah.

Rev. ZD Rodingliana, Director, Christian Education Department hnen atanga thu kan dawn danin, Kumin December ni 6 hi Sunday School kum tawp  Exam Ni a ni a. Amaherawhchu Hripui leng (Covid 19) avang leh he hripui hi Mizoram hmun hrang hrangah a darh dan a inang lova, chuvangin Kum tawp Sunday School Exam leh Exam loh chu Pastor Bial Sunday School Committee kutah dah a ni a. Hemi a nih avang hian  kumin atan chuan “Sunday School ti tha tehnaah pawh Exam hi telh a ni lovang” tiin hriattirna a ti chhuak a ni.

Hetihlai hian Covid 19 hripui leng karah a remchan ang angin Christian Education Department chuan Sunday School rawngbawlna kalpui zel tha a ti a. January 2021 lamah chuan hripui leng  pawh a lo ziaawm theih tawh beiseiin January 17, 2021 (Sunday School hming lam zawhah) Sunday School Zirtirtu Orientation/Training programme a duang a, Resource person/ Speaker tur hi mahni inngaihtuah theuh tura tih a ni.