June 24, 2012 hi Mizoram baptist Kohhran, Christian Education Department chuan Sunday School kum chanve Exam hun atan a ruat a. Pathianni Chawhma Inkhawm banah Exam hi neih a ni ang. Zawhnate hi Headquarters atanga siam lovin Pastor bialin a buatsaih a ni a, a endik pawh Pastor bial remruatnain neih tur a ni. Christian Education Department Director chuan zirlaite thahnem-ngai leh dik taka exam turin a chah.
......................
President leh General Secretary Bazar bialah
BCM President, Rev.Dr.Raltawnga leh General Secretary, Rev.H. Lianngaia te chuan nimin June 23, (Inrinni) khan Bazar Pastor bial huap Upa leh Rawngbawltute, FOD hruaitute Seminar, Bazar veng Biak inah an neihpui
.....................
AGS te Pahnih Guwahati-ah
Kan AGS te pahnih, Rev.C. Ngurhnema (Service) leh Rev.Dr.K. Lalrinthanga (Mission) te chu Mission Field Account Audit paha kan missionary te programme pawimawh neihpui turin tun kar chhung khan Guwahati-ah an kal a, naktukah an lo kir ang.
......................
Rev.F. Lalsanglianaโn D.Mins. zir dawn
Tuna Zobawk bialtu pastor, Rev.F. Lalsangliana chuan D.Mins. zir leh a dil angin Pastoral Committee chuan a phal sak a. BCM policy angin a hna kalsan lovin a zir dawn a ni.
.......................
Evangelist te Rawngbawlna
Kan hriat theih chinah kan Evangelist-teโn hetiangin rawngbawlna an kalpui mek: Krista Kraws Chhuangtute team (Speaker: Evan.TC. Lalchhandama) Lawngtlai Bazar Kohhranah vantlang pual camp. Thutak Puangtu team (Speaker: Evan.K. Dengdailova) Cheural Kohhranah. Gospel For All (Speaker: Evan.Lalnuntluanga) Lunglei Ramthar Kohhranah.
