Mizoram Baptist Kohhran, Finance Director, Upa S. Hmingthanga chuan kum 2015-2016 Financial Year kum chanve (April-September) chhunga Kohhran tinte Target pek dan report a tar chhuak a; He Statement hi Area Wise-in Pastor Bial tin-a Kohhran te thawhlawm, target zat leh an pek tawh dan kimchang media kaltlanga vawikhat tarchhuahna a ni.
Statement-a a lan danin 2015-2016 BCM Church Contribution target (Kohhran thawhlawm atanga lut tura beisei) pumpui Rs. 382,709,000/- a ni a, kum chanve chhunga kan hmuh zawng zawng chu Rs. 184,423,797/-a ni a; kan target pek tawh percent chu 48.19 a ni. Kum chanve atana target lut tur beisei 50% (Rs. 191,354,500) chu Rs.6,930,703/- -in kan tlin lo va, Target pumpui tlin turin November - March chhung hian thla tin Target beisei zat hi Kohhran ten an khum chhoh char char a ngawi dawn a ni.Finance Director report atanga thil chhinchhiah tlak deuh te chu - Pastor bial 79 zingah bial 33 in kum chanve chhunga an target an tlin thei a, Pastor bial 46-in an phak lo thung. Bial pumpuiah Lengpui Pastor Bial-in target pumpui atangin 92% an pe tawh a, Vaisam bial-in dawtin 90% an pe a, Tawipui Bial-in 75 % tlin tawhin Mualthuam North Bialin 74.06% pein an dawt leh a ni.
Tualchhung Kohhran zingah Target pumpui tlin tawh an awm nual a. Chung zingah chuan Ngengpuitlang Kohhran chuan chuan an target pumpui - 250.00 % zetin an khum tawh a, Lengpui Kohhran-in dawtin an target pumpui 112.87%in an khum a, Seling Kohhran-in 111.53% leh Thaizawl Kohhran 110.49% te-in Kum 2015-2016 chhunga an Target an khum tawh a ni.
Area Wise Target Pek dan khaikhawm:
|
Area Hming |
Target Zat | PEK ZAT TOTAL | Pek zat Per Head |
Pek zat Percent |
| LUNGLEI AREA TOTAL |
241,433,000 |
114,621,621 |
1,370 |
47.47 |
| TOTAL (AZL) AREA |
90,576,000 |
45,203,001 | 1,363 |
49.91 |
| TOTAL (LTI AREA) |
50,700,000 |
24,599,175 |
1,094 |
48.52 |
| GRAND TOTAL |
382,709,000 |
184,423,797 |
1,324 |
48.19 |
