Tun Pathianni lo thleng tur, December 3, 2017 hi Mizoram Baptist Kohhran, Christian Education Department chuan Sunday School kum tawp exam hun atan a ruat a. Pathianni Chawhma Inkhawm banah Exam hi neih a ni ang. Zirlaite thahnemngai leh dik taka exam turin kan in sawm thar leh a ni.
Sunday School kum tawp exam zawhnate hi Headquarters atanga siam niin, Bial Sunday School Secretary hnenah thawn vek a ni a. Ram pumah zawhna (question) inang tlang chhan tur a ni. Answer paper endik chu Pastor bial Sunday School Committee remruatna angin Bial emaw Tualchhung Kohhranah emaw endik tur a ni ang. Bial Sunday School hruaituten ruahmanna an siam ang.
Kum danga lo tih thin ang thovin kuminah pawh Senior ‘B’ Department leh Senior ‘A’ Department chu Pathianni hmasa khan zirlaite hnenah Question sem chhuah niin, in lamah (Zirlaibu leh Bible enin) an chhang a, Exam Ni-ah hian an chhanna an thehlut ang. Department dang zawng chuan Zawhna chhangin Tualchhung Kohhran Sunday School Committee ruahman angin exam hi an chhang dawn a ni.
Exam beitu zawng zawngte Pathian thu hriat kawnga thanglian zel tur leh Sunday School tihlutu ni zel turin duhsakna ka hlan a che u.
Kum 2018 lo awm turah hian January 014, 2018 hi Pawl siamrem ni leh hming ziak ni a ni a, a tam thei ang berin hming i ziak ang u. Kum tharah hian Sunday School kai theuh turin kohhran member-te kan in sawm nghal bawk a, kum 2018 atana Sunday School zirlaibu pawh BCM Bookshop hrang hrangah lei theihin peih a ni ta e.
