Social Workers Meet-2017[/caption]
Vawi, November 10, 2017 (Zirtawpni) chawhma dar 11:00 atang khan Mizoram Baptist Kohhran, Social Concern Department buatsaihin Sap Upa leh Pu Buanga Hall, Serkawn-ah Social Workers Meet neih a ni a. Lunglei khawpui chhunga Rehabilitation Centre leh Homes hrang hrang atangin aiawh kal khawmin Chhawmdawl rawngbawlna hna thawh dan tur dik leh hlawk zawka rawngbawl dan tur an zir ho a ni.
Chawhma hun-ah Rev. K. Llbiakenga, Organiser PG & PAC, BCM-in a kaihruai a, rev. R. Zohmingliana, AGS i/c Service-in hunserh hmangin programme te Pathian hnenah a hlan a. Pu MS Dawngliana, BCO Manager leh Tv. Robin Lalramnuama, Grace Society ten an rawngbawlna report an pe. Chawhma hunah hian Rilru hriselna (Mental Health) chungchang zirhona neiin Nl. Camelia B. Lalhruaitluangin zirtirna a pe bawk.
Chawhnu lam hun hi Pi Lalnunzami, Project Director, Chhawmdawlna In (Grace Society) in a kaihruai a, Rev. K. Lalbiakenga’n BCM Social Social concern Department hmalakna report pe-in Pi Lalnunzami Chawngthu hian Chhawmdawlna In report a pe nghal bawk. Chawhnu hunah hian Naupangte humhalh dan leh Mipat Hmeichhiat hman khawloh chungchanga Social Workers te hriat tur poawimawh zirtirna Nl. Lalrinkimi, Social Welfare Department-in a nei bawk.
He hunah hian Centre leh Home hrang hranga thawktu mi 20 vel an kal khawm a, tlai lamah zanriah kilpui nghal an ni.
