Tunkar Thawhlehni, March 17, 2020 khan Mizoram Baptist Kohhran, Social Concern Department hnuai thawktute chuan Rev. C. Lalhungliana, Bialtu pastor, Rahsiveng leh Rev. Sangliankhuma Chinzah, Director BCM Social Concern Department te resource person-a hmangin R&D Hall, Ramzotlang, Serkawn-ah an nei.
Chawhma dar 10:00 ah programme tannin Rev. L. Vanlalsanga, Education Director-in hun serh a hmang a, Resource Person Rev, C. Lalhungliana’n zirtirna pe-in hun a hmang chhunzawm a. Chawhnu lamah pawh Rev. C. Lalhungliana’n hian hhun hmang chhunzawmin, Rev, Sangliankhuma Chinzah, Director Social Concern Department- in Sawihona hun leh Inhlantharna hun a kaihruai nghal a, lawmthusawina leh tawngtaiin Meet hi khar a, tlai lamah chawhlui kilho nghal.
BCM Social Concern Department hian Committee leh Institution pawimawh tak tak a enkawl a, BCO leh BCM Counseling Centre Chanmari bakah, MBKHP Chhawmdawlna-in Chaplain te, Christian Hospital Serkawn Chaplain te, Civil Hospital leh District Jail Chaplain te enkawlin, Ram pum huapa rawngbawlna hrang hrang – HIV/Aids awareness te, Ruihhlo leh a kaihhnawih hrang hrang laka invenna chungchang te, Corruption leh nunphung tha lo laka Kohhran mite kan fihlim theih nan awareness Campaign te buatsaih thin a ni bawk.
