BCM Social Concern Department chuan nimin, June 7-8, 2014 (Inrinni leh Pathianni) khian Bawngkawn Biak inah ย Pastor Bial pathum - Zemabawk Pastor bial, ย Aizawl East Pastor bial leh Bawngkawn Pastor bial huapin Social Concern Awareness Programme/Seminar an hmang dawn.
He hunah hian AGS i/c Service, Rev. Lalbiaksanga Chinzah hovin, PAC Organiser, Rev. Lianchhunga Khiangte, BCO Manager- Rev. Sangliankhuma Chinzah, Christian Counseling Centre Organiser - Nl. Daisy Zomuani leh CDI Manager - Pi Lalnunzami Chawngthu ten an hmanpui ang. Pathianni Chawhma inkhawm-ah Kohhran hrang hrangah insem darhin hun an hmang chhunzawm dawn a ni.
BCM Social Concern Department (SCD) hi Service Committee hnuaiah awmin - Mipui vantlang nun harsatna (Social Issues) chi hrang hrang lo awm thin te zirchiang a, mipuite hnena zirtirna pe tur te, chutiang harsatna chu a tul dan anga hmachhawn tur leh, heng harsatna-in a hliamte tanpuia chhanchhuah hna thawk tura din a nih angin - Khawtlang sualna chi hrang hrang thlentu - Zu, ruihhlo, zuk leh hmuam, nulat/tlangvalna hman sual kawngah te kohhran mite an fihlim theih nan hma lain campaign/awareness te a nei thin a. Tin, natna hlauhawm - HIV-AIDS, Hepatitis, etc. laka kan him theih nan te, a veite enkawl leh chhawmdawlna hna thawh kawngah te, thlarau lam nun leh mimal nun harsatna nei te tan Christian Counseling Centre enkawlin , MBKHP te nen tangtlangin ruihhlo ngaite enkawlna hmun - Chhawmdawlna In ah rawngbawlna a nei bawk a, Nau hnuchham enkawlna - Baptist Church Orphanage (BCO) pawh he Department kutah hian dah a lo ni ta bawk a ni.
Heng Khawtlang sualna leh thil tha lo hrang hrang bakah hian - Politics thalo leh Corruption laka Kohhran mite kan fihlim theih nan Campaign leh awareness bakah mipuite tana zawm tura a duh thuchhuah hmangin a tiri thin a ni.
Tunah hian BCM Social Concern Department Organiser Rev. Lianchhunga Khiangte enkawlna -in Sorkar enkawl Social Network hrang hrangte leh tlawmngai pawl (NGO) hrang hrangte nen tang tlangin hmalakna kalpui thin a ni bawk.
