Mizoram Baptist Kohhran, Assembly Committee lian pakhat, Service Committee Meeting, nimin, August 17,2016-a neih chu tluang takin an zo ve leh ta. Service Committee-ah hian Assembly ruat member 10 bakah Ex-officio member (BCM puipate leh Concerned Department head) te bakah ABC aiawh member pakhat theuh an tel a ni.
Meeting hi BCM President, Rev. Lalthangliana Hnamte-in a kaihruai a, Pathian hnenah inkawltirna(Devotion) hun hmangin Committee memberte Pathian duhdana rorel tur leh taima taka ngaihtuahna hmang turin a chah a. Asociate General Secretaty, Rev. R. Zohmingliana'n Report tlangpui a pek bakah Department Head ten an department chan theuh report pe-in ziaka sem a ni bawk.
Tun tum Committee-ah hian thu ngaihtuah tur (Agenda) a tam lo va, Kum kalta leh kum kal mek-a Department hrang hrang te sum hman dan leh hnathawh dan -thlirhona(Evaluation of Annual Working Plant and Achievement of Budget) an nei a ni.An thu rel passed zingah Baptist English School, Bungtlang 'S' - BCM Education Department enkawl tura an rawn dilna chu Executive Committee-a thlen chhoh tura passed a ni. Tin, HATIM Academic Block 'D' sakna tura Appeal siam dilna pawh Executive Committee -a thlen chhoih remtih a ni bawk.
AGS Report-in a tarlan danin Service Committee hnuaiah hian Departement 7 -ah thawktu 478 an awm hetiangi:-
| Sl | Name of Department | Thawktu zat |
| 1. | Education Department | 199 |
| 2. | Medical & Health Department | 182 |
| 3. | Baptist Literature & Printing Department | 44 |
| 4. | Relief & Development Department | 28 |
| 5. | Social Concern Department | 16 |
| 6. | Communications Department | 7 |
| 7 | Christian Education Department | 2 |
| Total | 478 |
Tin, Zirna School/Insitution/College - 7 awmin thawktu - 210-in an vil a, zirlai zawng zawng - 2464 an awm mek bawk, hetiangin:-
| Sl | Name of Institution | Thawktu zat | Zirlai zat |
| 1. | Higher and Technical Institute, Mizoram | 62 | 283 |
| 2. | Baptist Higher Secondary School,Serkawn | 61 | 948 |
| 3. | Baptist Higher Secondary School (Junior Section) | 54 | 917 |
| 4. | Baptist English School, Zawlnuam | 19 | 201 |
| 5. | BCM Primary School, Lungpuk | 4 | 50 |
| 6. | School of Nursing, Serkawn | 10 | 65 |
| Total | 210 | 2464 |
