Vawiin September 23, 2016 tlai dar 3:30 hian  Mizoram Baptist Kohhran Headquarters hruaitute chuan Serkawn Kohhran leh khawtlang hruaitute inlengah sawmin Sap Upa leh Pu Buanga Hall-ah inkawmhona an nei a, zanriah an kilho nghal ang. He hunah hian Serkawn Tualchhung Kohhran hruaitu(OB) te, Serkawn VC  member te leh YMA hruaitu te an tel tha hle a, BCM Headquarters hruaitute pawh President leh General Secretary hovin Department Head te an tel a ni.

He hun hi BCM General Secretary Rev. F. Ramdinmawia’n a kaihruai a, Serkawn Tualchhung Kohhran Chairman Upa C. Laldingliana  tawngtai turin a sawm a, Inhmelhriattirna (Introduction) neih zawhah inkawmhona hun hmangin kalkhawm ten an ngaihpawimawh zawng te sawiin inkawmhona tha taka neih a ni.

He inkawmhona hunah hian Headquarters hruaitute chuan BCM hmalakna tlangpui leh Headquarters awmna, Serkawn-a BCM Compound chhunga BCM hmalak mek leh hma lak zel tum dan te sawiin  Khawtlang hruaitute leh Tualchhung Kohhran Hruaitu ten heng BCM hmnalakna te hi an lo hriatpui an duh thu an sawi bakah, Khawtlang hruaitute pawhin Headquarters hruaitute a theih ang anga thawhpui leh Serkawn khawtlang leh Kohhran te nena inpawh taka inkawmhona hun an nei thei chu lawmawm an tih thu an sawi bawk.

Hetianga BCM hruaitutenTualchhung Kohhran leh Khawtlang hruaitute kawmna hi tunhma pawhin hotu inthlak leh term tharah te an lo nei tawh thin a, hei hian thawhhona leh inpawhna tha tak a siam thin a ni.