General Secretary, Rev.F. Ramdinmawia chu Serampore Council  Meeting leh Working Committee Meeting, July 20-21, 2017-a Serampore-a neih turah ah a thang mek a.

General Secretary hian kal lamah Regional Director Rev. Joseph Vanlalruat nen Guwahati leh Guwahati hnaih lama Mission station te an tlawh a, Partkijuli ah Jubillee English School tlawhin Principal Pu Vanlalbela leh a thawhpuite nen School leh mission compound thlirhona leh hmalama rawngbawl zel dan tur te an sawi ho a, anni bakah hian Bhutan field-a thawktu Missionary Zonunsiama te leh Good News Society hnuaia BCM Missionary Pu Lalchhanhima Pachuau thawhna Baihata Chariali te pawh an tlawh nghal a ni.

Serampore Council  hi Senate of Serampore leh College chungchanga Committee pawimawh leh thuneitu sang ber a ni a, Serampore College thawhpui Kohhran hrang hrang atangin council member an ruat thin. Tin, Working Committee hi member 4 or 5 lek awmna a ni thung a, Council Meeting neih hma-in emaw, kum khatah vawi 1 emaw, vawi hnih emaw chauh an thu khawm thin. Serampore College hnuaia thuneihna sang tak nei leh Committee pawimawh ber a ni thung. Mizoram Baptist Kohhran hi heng Committee-ah te hian permanent member niin BCM General Secretary apiang chu Committee member an nih angin an tel thin a ni.