Council of Serampore College (University)-a Selection Committee chuan Upa Dr. Vansanglura Bzar veng, Lunglei chu November 1, 2015 atanga Serampore College Principal turin an thlang. Principal tur hian mi 9 in an dila, Selection Committee chuan duh takin (vote khat mah pelhe lovin) Bazar veng Upa hi an thlang ta a ni a, tunah hian JB. College Lungleiah Associate Professor ni lai mek a ni.

Dr Vansanglura hi 1965-ah Ngopa khuaah a piang a, Lalhriatpuii, Chhinga Veng nen July 12, 1990-ah inneiin, fa pathum an nei. NEHU aṭangin M.A a zo a, Mizoram University aṭangin Ph.D a zo. Theology lamah degree a nei nual a; kum 1995-ah Serampore College (University) aṭangin Bachelor of Christian Studies a zo a, Therapon University, USA aṭangin Doctor of Theology a zo leh bawk. Teachers College, Columbia University, New York, USA-ah kum 2010-11 chhungin visiting scholar hna a thawk tawh a ni.  www.vanglaini.org