General Secretary, Rev.F.Ramdinmawia chu Serampore-ah Working Committee Meeting April 3, 2018-a neihah kalinnimin, April 4 khan  lo haw a, Lunglei rawn tlang nghalin vawiin April 5 (Ningani) hian Chawngte-ah Chakma Music Festival& Dance Meet Closing Programme hmanpui turin tukin khan a tlang thla leh nghal a, April 6-ah Chawngte atanga lo haw-in a tuk Inrinniah  Leite Kohhran Biak In hawng turin a tlang leh nghal ang.

Serampore-a a zu kalna, Council of Serampore College , Working Committee hi Serampore College pumpui inrelbawlnaa rorelna sang ber Council of Serampore College in Council aiawha rorel tura Committee pawimawh tak a din a ni a, Member tlemte awmin, thuneihna sang tak a nei thung. Memberte chu - Vice Master, Principal, Senate President, Senate Registrar, Finance Secretary, Vice Principals bakah Council Member 3 chauh an tel a, chutah chuan BCM General Secretary (by Designation) hi member a nihna angin he working committee meeting-ah hian an tel zel a ni.

Working Committee Meeting zawhah General Secretary leh Principal Serampore College te chu Principal office-ah inkawmna hun tha tak neiin BCM in Serampore College-a thawktu a dah mek chungchanga pawl pahnih inremna te an ziak fel nghal bawk. Hemi zawh hian Dean of Research Department/ SATHRI sawmna angin General Secretary hian SATHRI Building thar tlawhna hun te a hmang a, Dean of SATHRI nen inkawmna hun tha tak an hmang bawk.  General Secretary hi Kolkata atangin Rev. Lalhmunsanga, Regional Director, Kolkata in a tawiawm a ni.