December 13, 2019 (Zirtawpni) khan School of Nursing, Christian Hospital, Serkawn chuan General Nuring & Midwifery (GNM) batch tharte pualin Capping & Lamp Lighting leh GNM zirchhuak te Certificate hlanna Graduation Service an hmang a. He hunah hian Lunglei DC Pi K. Lalrinzuali chu khuallian a ni. Inkhawm hi Upa Dr. Lalramzauva, Medical Superintendent-in a kaihruai a, Rev. Lalremsiama Ralte, Director, BCM Worship & Music Department-in hunserh hmangin Chairman-in Welcame Address a neih hnuah Pi Vanlalthlengliani, Principal, School of Nursing, Christian Hospital-in GNM batch thar te hmelhriattirna leh Nursing School report tlangpui a pe bawk. Pi Lalchhanhimi, Principal, Mizoram Nursing College  chuan Bati chhiin zirlai lut thar te lukhum a khum tir a, Zirlaiten thutiam an sawirual zawhah Bazar Kohhran Zaipawl ten Pathian fakna hla an sa. Chief Guest-in GNM zir chhuak te Certificate hlanin BCM President, Rev. PC Liandula’n zirlai tithate hnena pek thin lawmman chi hrang hrang a sem bawk. Rev. Dr. C. Vanlaldika’n Lawmthusawi tawngtaina a neih hnu-ah Rev. R. Lalbiakliana, AGS Servie-in BCM aiawhin thu a sawi a, Zirlai chhuak turte pualin Laltanpuiin thu a sawi hnuah  Nl. Lalruatfeli’n zaia rawngbawlna an nei a, Rev. Dr. CL Hminga’n Malsawmna-in inkhawm a khar a ni. Tun tumah hian zirlai lut thar mi 20 te lukhum khum tir an ni a, Graduate thar mi 19 hnenah Certifucate hlan an ni bawk.