Lib.Pic: BCM&CGGS ten Agreement an sign[/caption]
June 10, 2017 (Inrinni) chawhnu dar 01:00 hian Champhai Grape Grower Soceity(CGGS) leh Baptist Church of MIzoram(BCM) ten inremna an lo siam tawh angin Grape atanga siam, Sacramental Wine chu hman theiha peihfel a ni a, Mizoram Baptist Kohhran hnenah hman turin a pe chhuak tan dawn a ni.
Sacamental Wine Flag Off Programme hi Grape Winery, Tlangsam-ah hman a ni ang a, Pu C. Zohmingliana, Asst.Secretary, CGGS-in a kaihruai ang a, Rev. V. Vanlalchhunga,Coordinator, Pastoral Ministry, BCM-in hunserh hmangin Pu B. Remmawia, Chairman CGGS in welcome speech a nei ang. He hunah hian Pi Elizabeth Saipari, Director, Hoticulture Dept. leh Rev.F.Ramdinmawia, general Secretary, BCM ten thu an sawi ang a, Pu Vanlalngaihsaka, IAS, Dy.Commissioner, Champhaiin Flag Off leh thusawina hun a nei bawk ang. BCM Choir ten zaiin rawng an bawl anga, Rev. R. Lalbiakliana, executive Secretary, Lawnglai-in Malsawm tawngtaiin inkhawm a khar ang.
Tarlan taw hang khan BCM Assembly Executive-in a lo passed tawh bawhzuiin, Champhai Grape Grower Soceity(CGGS) leh Baptist Church of MIzoram(BCM) te chuan November 11, 2016 khan Sap Upa leh Pu Buanga Hall-ah CGGS hruaitute leh BCM puipaten inremna(MoU) an an lo ziak tawh a ni. MoU an ziak chhan hetiang hian tarlan a ni:
“Kohhran hoten Lalpa zanriah atana kan hman (Element) wine hi grape tui dik tak, a bik taka siam hman kan duh avangin, Champhai Grape Growers’ Society chuan BCM Administrative Committee Meeting No. 83-a chuan Sacramental Wine siam tir a. Baptist Church of Mizoram leh Champhai Grape Growers’ Society(CGGS) te chuan inremna (MoU) chu November 11,2016 hian a siam ta a ni” tiin inremna point sawm pakhat(11) ziak a ni. Inremnaah hian hman tan hun ziak a ni lo va, Society leh BCM lam inpeih chhuah huna hman mai tura tih a ni.
Related Links: BCM-in Sacrament atan Mizo thar Grape tui a hmang dawn
