Tunkar Pathianni, November 29 hi Mizoram Baptist Kohhran Ni Pawimawh (Special Sunday) – “Rualbanlote Ni” a ni a. Kumin Rualbanlote Ni thupui-chu  “Thiltih leh tihtakzeta hmangaihna” (1 Johana 3:18)  tih a ni.

Kum 2008 atang khan November Pathianni hnuhnung ber ah Rualbanlo te Ni hi hman thin a ni a. Kuminah erawh chuan Covid -19 hrileng avangin Kohhran ni pawimawh hrang hrang leh Programme te hman hleih theih a nih tak loh avangin, Rualbanlote Ni pawh hi Biak In lamah hman theih a ni dawn lova, Kohhran hoten mahni chhungkua theuh ah a remchan anga hemi ni puala hun hmang theuh turin Kohhran hruaitu ten min ngen a ni.

Rualbanlo te Ni puala Programme, Audio Visual Production in a buatsaih a, LPS leh ZONET ah te KHAWNVAR Channel leh Youtube lamah en theih a ni ang. Hemi ni pual Tawngtai thupui lo tarlang ila –

1. Rualbanlo nei chhungkuate tan tawngtai ila. An vanduaina avanga Pathian an hnaih tlat theih nan.
2. Rualbanlote enkawltu leh an zinga thawktuten Pathian atanga hmangaihna leh lainatna tak tak neia an enkawl theih nan.
3. Kan ramah rualbanlo an tlem deuh deuh theih nan.
4. An tana malsawmna ni ve thei turin mahni theuh inhlan ang u.