Ringthar :
Kum 2012 January-July chhung hian BCM Mission rawngbawlna hmun hrang hrangah ringthar 1431, Koh-hran thar 30 leh Fellowship 11 an awm. Heng bakah hian :-
1) Chawlhkar hmasa khan Tuikawi-ah mi 14 in Baptisma an chang a, 7 chu ringthar, 7 chu kohhran member nisa an ni.
2) Basar, AP East-a Adi Galo chhungkaw hausa tak chu kohhranah lo lutin, Sept. 2, 2012 Pathianni hian an chhungkua hi Pathian hnenah hlan an ni dawn. An chhungkua hian 2012 chhung ngawt pawh hian Sial 16 zet talhin, ramhuai hnena inthawina an lo hlan a ni.
3) Comp. School, Nghalimluia -ah ringthar 14 laiin Baptisma an chang. hei hi Gospel Meting an neih atanga ringthar te an ni.
4) Birpara Area. September 2 (Pathinni) khan Mujnai hmunah Lalpan Ringthar Baptistma Chang Mi Paruk (6) Min pe a, Matchpara hmunah Ringthar Pasarih in Baptistma an Chang bawk
Camp & Mual inkhawm hlawhtling :
Chakma Mission Tuichawng Circle Evan. Team ten Silsuri, Bulungsuri leh Theka V.C huam chhunga Camping leh Mual inkhawm te neia Chanchin Tha an hril chuan rah a chhuah tan a. An VCP hmasa Pu Boloram leh sorkar Zirtirtu 3 telin, mi pangngai tak tak in 50 chuang laiin Kristian nih an duh a, Baptisma chan runpui la buatsaih theih beisei a ni. Lawmthu sawi chungin, kan beisei hi a tak a chan ngei theih nan i tawngtai sauh sauh ang u.
Adi Thalai hruaitute training :
AP East chhung Pasighat, Basar leh Tirbin a Thalai hruaitu 5 te chu BCM Shalom, Aizawl (Mission Vengthlang Bial) chuan Aizawlah ko chhuakin, training an neihpui a. Hun chep tak karah Aug. 28, 2012 khan BCM Hqrs. Office, Serkawn an rawn tlawh. Pu C. Lalramnghaka, Evan. Pasighat-in a rawn hruai a ni.
Mission Convention:
1) Sept. 19 – 23, 2012 khian BCM Hermon, Theiriat chuan Mission Convention neih an tum a. Speaker atan BCM Mission Promoter an sawm. Mission rawngbawlnaa an kohhran tichaktu anih theih nan i tawngtaisak ang u.
2) Sept. 28 – 30, 2012 hian BCM Bualte chuan Mission Convention buatsaih an tum a. Speaker atan BCM Mission Promoter an sawm. Pathian ram tizau tura an kohhran luan chhuah thartirtu anih theih nan i tawngtaisak ang u.
Regional Committee meeting :
Sept. 19 – 20, 2012 hian Guwahati-a Baptist House-ah BCM Field Regional Committee Meeting, 2013 – 2014 Budget & Plan thlirho tura neih a ni dawn a, Field rawngbawlnaa pawimawh dangte pawh rel a ni ang. He meeting hi AGS i/c Mission-in a zuk ho ang.
Bangladesh (Miria) Missionary thar :
Pu C. Lalruatkima, B.Th., M.Div., BCM I.T.I, Aizawl, Empu-a Mission School E.T (Contract) tura lak te chhungkua chu Pu F. Rosanglura, Mire Missionary thawk lai hovin, Bangladesh lamah an liam thla ta. Mire hnam chenna Banderban District hi Bangladesh sorkarin tlawh pawh a phal loh (Restricted Area) anih avangin luh mai theih a ni lo va. Chuvangin Pang khua Laizo-a awm phawtin, Identity Card an neih theih veleh, an thawhna tur hmun hi thlen an beisei dawn a ni.
Chakma Mission Field committee :
Vawiin Sept. 6, 2012 hian Chawngteah Chakma Mission committee neih a ni a, AGS i/c Mission Rev. Dr. F. Lalrinthangan a zuk neihpui.
Apatani Baptist Thalai inkhawmpui :
Sept. 7 – 9, 2012 hian Ziro-a Immanuel Baptist Church-ah Apatani Baptist Thalai inkhawmpui neih a ni a, Speaker chu MTKP Organiser Rev. Samuel Lalremsanga a ni. Soloist Nl. CR Dingliani, Serkawnin a tawiawm. Sept. 9, 2012 Pathianni tuk khian ringthar Baptisma chan runpui buatsaih an tum bawk.
Non-Mizo inkhawmpui :
Sept. 20 – 23, 2012 chhung hian BCM Moria, Rahsivengah Non-Mizo inkhawmpui neih a ni dawn a, Speakers chu Non-Mizo Evangelist-te an ni ang. Mizoram chhunga hnam dangte zinga kan rawngbawlna hlawhtlin theih nan i tawngtai zel ang u.
