Rev R Zohmingliana AGS i/c Service chu Christian Medical College, Vellore sponsorship Credential Committee member atan ruat thar a ni. Tunah hian Rev. R.Zohmingliana leh Upa Dr. B. Laldinliana hi BCM aiawhin Council member an ni mek a, Rev. R. Zohmingliana hian chanvo dang a neih belh leh ta a ni. CMC Vellore-ah hian Committee body hrang pahniha member nih hi thil har tak a ni a, BCM atang chuan hetiang chanvo nei hmasa ber a ni awm e.
CMC Vellore-a MBBS leh Post Graduate (PG) admission chungchang update:
CMC Vellore addmissions-a Kohhran sponsorship chungchang thu kal zelah, Supreme Court bench 2 Judge chuan hearing an nei tawh a, thutlukna siam fel lovin NEET chungchang nen ngaihtuah kawp turin Constitutional bench (Judge tam zawk awmna bench) ah a refer leh ta a ni. CMC in Writ petition a neihna chhan hi NEET chungchang a ni tawh lova, NEET hi chu CMC pawhin a pawm tawh a, Common Counseling thu hi a thlen ber chu a ni a, mahse, NEET chungchang thu la awm nen ngaihtuah kawp turin a ti ta rih tlat a ni.
Heti anih chuan engtikahnge Constitutional bench chu an thut leh ang a, an ngaihtuah ang tih hriat a ni thei ta lova. Kal zel dan turah chuan admissions tih hun pelh hma March thla ral hma tala ngaihtuah tura thu thlen leh a nawr leh phawt a ni a, chumi azira kal zel dan tur ngaihtuah ani ang. 2018 sessions atana admissions chu a chiang leh ta lo a ni.ย Nikum 2017 khan MBBS leh SupeSpecilist ah mi 1 ve ve chiah admission pek an ni a, tun kumah hian eng ang dinhmun nge lo thleng ang tih tawngtaina nena ngaih chan a ni ta rih a ni.
CMC Vellore hi christian missionary Dr Ida Scudder din a ni a, Christian institution a nih angin doctor zirna seat awm zawng zawng 85 percent hi Christian a bik takin sponsoring church body (protestant chauh) tan reserve a ni a. Mizoram atang chuan Synod leh BCM an ni a. Hei hi Sawrkar chuan ngaimawhin seat reservation awm tawh lovin NEET a titha te kha interview/Counseling pawh central/common counseling a tih vek turin thu pek a ni a. Chuti anih chuan christian te tan awmzia a awm ta dawn lo a ni. Chuvangin he sawrkar thupek hi kawng awm chhun Supreme court a khin a ni ta mek a, Supreme court hian CMC kal phung pangngai anga kal tura thu a tih tluk theihna tura tawngtai a ni ber mai.
