North India Mission field director, New Delhi-a awm mek Rev.R. Lalthanmawia chuan doctorate degree hmu tura a hmawrbawkna Viva chu paltlangin Serampore College (University) convocation hunah New Testament-ah Ph.D. degree hlan a ni dawn ta. Rev. Mathana thesis chu An understanding of Life in John Towards a Theology of Life in Mizo Context tih a ni.

……...

A CHANCHIN TLANGPUI

[caption id="attachment_7622" align="aligncenter" width="960"] Mathana te chhungkua[/caption]

Rev. R. Lalthanmawia hi Râlte hnam a ni a, May 4, 1962-ah Lunglei Rahsivêng-ah a piang a, ft 5. 8”-a sâng a ni. A pa chu R. Lalliantluanga a ni a, a nu chu Malsâwmi a ni. An unau hi mipa 2 leh hmeichhe 2 an ni. Rev.T.C.Laltlâwmlovan August 17,1975-ah Rahsivêng BCM Biak inah Baptisma a chantîr. Nl. Lalthanpuii nên February 7, 1990-ah an innei a, Rev.T.C. Laltlâwmlova’n Rahsivêng BCM Biak inah a invawntîr a, fapa 1 leh fanu 4 an nei.

A lehkha zir dân: 1968-1975 - Primary & Middle, J. N.M (Joharlal Nehru Memorial) School, Lunglei 1876-1980 - Vênglai High School, Lunglei. 1980-1983 - P.U. (Sc)., Shillong College 1983-1986 - B.Sc., 1986 Shillong College

Pastor a nih hmain kum 2 chhûng Liantâwna High School Lunglâwn-ah a zirtîr a. Kum 2 ½ Mission School, St.James High School, Gongrai (Tripura)-ah a zirtîr bawk.

Pathian thu a zir hmain Rahsivêng-ah TKP member a ni thin a. Kum 1984-1986-ah TKP Executive Committee member a ni. Pathian thu a zir dân: 1990-1993 - B.D., Leonard Theological College, Jabalpure, Maharastra. 1998-2000 - M.Th (NT)., UTC, Bangalore. 2008 - D.Th., UTC, Bangalore Full-time Ministry-a a luh hnua a rawngbâwlnate: 1993-1998 - Pro. Pastor, Zâwlnuam Bial. 1997 - Zohnuai Assembly-ah Minister atan Rev. V.L. Zawngan a ordain. 1998-2000 - M.Th Study, UTC, Bangalore. 2000-2001 - Lêngpui Bial, Lêngpui 2001-2007 - Lecturer, A.I.C.S, Aizâwl 2007-2008 - Bialtu pastor, Luangmual Bial 2008 – 2012 - Doctoral Studies, UTC, Bangalore. 2013 - - Regional Director – North India Mision, Delhi

Zâwlnuam Biala a awm laiin Zâwlnuam Baptist English School a enkawl pah a, Headmaster hna a chelh. Pastor Bial Treasurer a ni bawk. AICS hawn tan thla- October 2000 atanga March 2001 thlengin Lengpui Bialtu ni chungin AICS-ah a zirtîr.

Infiamna lam tithei tak a ni a, 1982-1983-ahShillong-a lehkha a zir laiin Athletics Best Man Award Shillong College-ah a dawng a. Football pawh a khêl thîn. Kum 1979-ah Mizoram High School aiawh zînga telin a khêl ve nghê nghê a ni. Khawtlâng thila inhmanna-ah YMA member a ni thin a. Sporting Club hruaitu a ni bawk thîn.

Rev. R. Lalthanmawia hi talent nei tha tak a ni. Pa titi thiam tak a ni a, hei hi Pathian thusawina atan pawh a chhawm thiam a, Pathian thusawi thiam tak a ni. AICS-a zirtîr chungin Mizoram hmun hrang hrangah Camping/Crusade speaker atân sâwm a hlawh hle a ni.

Hla phuah leh zai lamah pawh a samawm

tawk chuan thilpek a dawng a, a hla phuah thenkhat chuan sak lâr a hlawh viau. All India Radio-ah pawh artist a lo ni tawh thin.

Kum 1987-1996-a St.James High School-a zirtîrtu hna a chelh atanga hemi thu ziak ni thlengin Pathian rawngbâwlnaa telve hlutzia a hria a, a rawngbâwl phalsaktu Pathian chungah a lâwm êm êm a ni.