Mizoram Baptist Kohhran hnuaia Ordained Minister Pension thlenga thawk, Rev. Peter Sangliana chu nizan dar 9:00 vel khan Newlife Hospital, Aizawl ah a thi a, a ruang hi an chenna hmun Chanmari West-ah lak niin vawiin dar 12:00 hian ropui taka thlah liam ni ang.

Rev Peter Sangliana hi hun reitak chhung kal (kidney) natna-in a tlak buak tawh a, 2011 ah Hrangchalkawn Bial a enkawl laiin a natna avangin Sick Leave-in a kal a, chuta tang chuan Bial enkawl hna chu a thawk hlei thei ta lo a, Kum 2012, October-ah a pension ta a ni.

Mizoram Baptist Kohhran chuan Rev. Peter Sangliana Chinzah thihna chu channa nasa takah a ngai a, a kalsan a nupui fanau te a tuarpui takzet a ni. Amaherawh chu he a khualzinna ram, natna leh hrehawmna tam tak paltlanga, A rawng a lo bawl sak thin A Lalpa hnena thlamuang leh hlim taka a chawl tur hi a lawmpui em em a ni. Mizoram Baptist Kohhran hnuaia  hun rei tak Pastor hna a lo thawh tawhna te, Kohhran leh Pathian tana a inpekna zawng zawngte kha a theihnghilh ngai dawn lo va, a hnathawh leh rawngbawlna hlu tak avangin lawmthu a sawi a ni.

Rev. Peter. Sângliana Chînzah B.A, B.D. Rev. Peter C. Sângliana hi 24.10.1949-ah Tangku (Burma) khuaah a lo piang a, Ft 5’, 5”-a sâng a ni a, Chînzah hnam a ni. A pa chu C. Sungliana a ni a, a nu chu Singkii a ni. An unau hi 3- mipa 2 leh hmeichhe 1 an ni.  Kum 1971-ah Taungkyi Burma-ah Rev. Sawtoo-a kutah baptisma a chang a. Dt 7.4.1973-ah Darkimi nên Tribal Church Swenyawng-ah an innei  a, Rev. Rosiaman a vawntîr a, fapa pakhat leh fanu pahnih an nei. Lehkha a zir dân chu hetiang hi a ni. Matriculation    1967  Rangoon-ah B.A (Psy)            1981 Mandalay University hnuaiah. B.D. 1988           1991 Eastern Theological College, Jorhat-ah Pastor hna a thawh hmain Burma Army (Burma Electrical & Mechanical Engineering Corps (B.E.M.E) –ah Sargeant grade I a ni a, 1969 – 1986 thleng a thawk a ni. Kum 1980-1987-ah rawngbâwltua lâk a ni a, kum 1991-ah Probationary Pastor a lâk a ni. A awm tawhna Bialte chu  a hnuaia mi hi a ni 1991 – 1993    :        Diltlâng Bial, Bungtlâng ‘S’-ah  Pro. Pastor         a ni. 1994             :        Sêrkâwn-ah Rev. Râltâwngan a ordain. 1994– 1995    :       Phâwngpui ‘N’ Bial, Sangau-ah 1996 – 2001    :      Lawngtlai ‘S’ Bial, Lawngtlai-ah 2001 –  2005     :    Tawipui Bial, Tawipui ‘S’ ah 2006 – 2009  :  Sêrte Bial, Serte-ah 2009-2011 : Hrangchalkawn Bial-ah Rawngbâwlna lama a tuina chu - Thuhril te, zirtîr te leh Home visit te hi a ni.