" Rev. Lalfamkima'n Lalpa hnen min pansan ta hi Mizoram Baptist Kohhran tan channa nasa tak a ni. Ui hle mah ila a hnena hruaitu Pathian hi a thu zawk si. A kalsan tak a nupui fanaute tan thlamuanna I dilsak zel ang u. "

- Geneneral Secretary., BCM ................................................................... Rev.Lalfamkima hi Ni 1.3.1975-ah Lungleiah a lo piang a. A Pa chu C.Zolawma (L) niin a Nu chu Lalthanmawii a ni. Kum 1994-ah Serchhip ah rawn awm in BCM Serchhip ah a lawi a ni. Kum 1997-ah a piangthar a.ŢKP Serchhip Unit ah Asst. Secretary, Kristian Naupang Pawl (KNP) ah Leader niin heng bakah hian Sunday School lamah Senior B zirtirtu ah te a lo ţang ve tawh ţhin. Tin, BCM Serchhip Pastor Bial Zaipawl member hun reilote chhung a lo ni tawh bawk. Academy Of Integrated Christian Studies (AICS) Tanhril, Aizawl aţangin BD a zir zo va. AICS a Pathian thu zir hmasa ber (first batch) zingah a tel. AICS aţanga BD a zir zawh hnu hian DSA, TTS Madurai aţangin M.Th a zir zo leh a. Kum 2012-ah BCM Pastoral Committee in Pro Pastor atan a la a. Pro Pastor hna a thawh chhung hian Chawngte Bial leh Haulawng Bial ah te a awm a. Kum 2015-ah Minister atan BCM Assembly Vawi 119-na Lunglei Farm Veng Biak In a neih ah Rev.C.Ngurhnema'n a ordain a. Pastor puitling anih hnuah Bunghmun Bial ah Bialtu Pastor in dah a ni. Taksa lam bawrhsawmna nasa takin a tlak buak avangin Bunghmun ah kum khat an awm hnuah AICS ah Lecturer atan dah a ni leh a. Mahse Lecturer hna pawh thawk chhunzawm thei lovin Cancer natna in a tibuai a. Chemo te la in hun rei tak enkawl a ni a. Amaherawhchu cancer natna run thlak tak chu hneh zo lovin Lalpa hnenah vawi chawhnu dar 4:12pm vel khan ropuina ramah min hawnsan ta a, a nupui leh a fate pahnih a kalsan a ni. Rev Famkima ruang hi an inpui, Serchhip pan pui mek a ni a, naktuk 22.9.2017 ah Serchhipah Rev Ramdinmawia, Gen.Secy. BCM in a vui ang. A kalsan takte tan i tawngtaipui reng ang u. - Rev. PC Lalropuia