Rev. Lalbiaksanga Chinzah[/caption]
Mizoram Baptist Kohhran-a Pastor hna thawk lai leh tuna BCM President Elect ni mek Rev. Lalbiaksanga Chinzah chu October 1, 2017 atang khan Pension-in a chhuak ve ta a. A chhuahsan Aizawl, Zotlang Pastor bial hi Rev. Dr. Zolawma, Principal, AICS-in a hmui rih ang. Tunah hian a nuipui leh fate nen an cheng mek a ni.
Rev. Lalbiaksanga Chinzah hi Pastoral Ministry atangin Pesion-in chawl mahse tuna(2017) BCM President Elect nihna leh nakum(2018)-a BCM President a nihna tur a khawih buai dawn lo va. Kum 2018-2019 Assembly thleng BCM President nihna a la chelh chho dawn a ni.
Rev.Lalbiaksânga Chinzah hi September 4, 1952-ah Chhimtuipui District-a Paithar khuaah a piang a, Kum 1969 November-ah Baptisma changing, 1982-ah a nupui B.Lalrammawii nên an innei a, fapa 2 leh fanu 1 an nei. Lawngtlai College Principal hmasa ber a niin 1980-82 chhung a thawk a, Pathian kohna dawngin Pathian thu a zir san ta a, 1985-ah BCM-in Pastor atan lain Pastor Bial hrang hrang a enkawl bakah BCM hnuaiah hna pawimawh tak tak - Secretary, Christian Education(1998-2000), Director, Christian Education(2000-2002), Director, Communication Dept. (2007-2010), Executive Secretary, Lawngtlai Area(2010-2013), Associate General Secretary, i/c Service(2013-2016) hna te a lo vuan tawh a ni. Thiamna lamah, M.A, BD & M.Th a ni.
A mizia- mi inngaitlawm, mi pawisawi hlau leh thuhnuairawlh, thil zir peih leh chik mi, mi taima leh Kohhran hmangaih em em mi a ni a. Pathian leh Kohhran tana a thahnemngaihna hi Kohhran te leh BCM pumpui tan a hluin a chhuanawm em em a ni.
