Nimin, December ni 7, 2017 khan Mizoram Baptist Kohhran hruaitu ropui Rev. Dr. C.L.Hminga hnenah Serampore College (University) chuan chawimawina ropui Doctor of Divinity a hlan ta! He chawimawina ropui hlanna inkhawm hi Serampore College Convocation, Chennai-ah neih niin Rev. Dr. C.L. Hminga hian amah ngeiin Bishop Dr. John S. Sadananda, Master of Serampore College hnen atangin Doctor of Divinity chawimawina hi a dawng ta a ni.

Rev. Dr. C.L. Hminga hi Mizoram kohhran hruaitute zingah chuan hruaitu hmasa leh zirna lamah pawh a sulsutu te zinga mi a ni a, Serampore College atanga BD a pass hnuin hian Manchester University, UK atangin MA a zir zo a. Doctor of Missiology hi Fuller Theological Seminar, USA atangin a zir zo. A doctoral thesis, 'The life and witness of the churches in Mizoram' tih hi Mizo researcher te tan lehkhabu tangkai tak vawiin thlengin ala ni.

Mizoram Baptist Kohhran-ah hian kum engemaw zat hruaitu a ni thin a, Church Secretary/ General Secretary hna pawh hi kum 10 vel ngawt a thawk tawh a, BCM President hmasa ber a ni bawk. India rama kohhran intelkhawm pawl hrang hrangah hian hruaitu nihna dinhmun hrang hrang a lo chelh tawh a ni.

#Rev.Dr.CL Hminga Doctor of Divinity pe dawn.