June 30, 2016 (Ningani) hi Mizoram Remna Ni champha  a ni a. Hemi Ni hi Mizoram Baptist Kohhran pawhin thawktute chawlh-ah hmang thin a, kuminah pawh he ni-ah hian Kohhran Office leh Department hrang hrang Office te, zirna-in te khar a ni ang. Kumin Remna Ni hman dan tur ngaihtuahtu - Remna Ni Organising Committee 2016-in Kohhrante min ngenna ngaipawimawhin BCM General Secretary chuan Kohhrante hnenah hetiang hian thuchhuah a siam :-

KOHHRNTE HNENA NGENNA

Kumin Remna Ni, June ni 30, 2016 chu Mizoramin Remna kan hmuh atanga kum 30-na ‘Pearl Jubilee’ a ni a. He Jubilee lawmna hi Remna Ni Organising Committee 2016 chuan mipuiin hmun khatah lawm ni se a ti a. Remna Ni lawmna-ah hian a thei apiang tel tur leh, hemi ni hian Kohhran ten hnatlang emaw thildang programme siam lo turin Remna Ni Organising Committee 2016, Lunglei chuan min ngen a ni.

Tin, June ni 29, 2016 (Nilaini) zan inkhawmah emaw, June 30, 2016 (Ningani) zingtawngtai inkhawmah emaw Mizoramin Remna kan neih avanga lawmthu sawina leh Mizoramah remna leh muanna a awm zui zêl theih nan kan tawngtai subject-ah a remchan dan anga lo telh turin min ngen bawk a ni e. Kohhrante min rawn ngennate hi Kohhran mite chuan kan tihhlawhtlin theih chuan a lawmawm khawp ang.

(Note: He mi ni hi, MBKHP rorel, February 4, 2016 - Tlabunga neihin Chawnghei tawngtai hun atana a lo rel tawh avâng leh, a chunga tawngtai subject hi an tawngtai thupui pawimawh berte zing a mi a nih tho avangin BKHP programme chu a pangngaiin a kal ang)

Sd/- Rev.F.Ramdinmawia General Secretary Baptist Church of Mizoram.