Lib pic: R&D Trauma Training[/caption]
Tunkar Pathinni–June 19, 2016 hi Mizoram Baptist Kohhran Nipawimawh “Relief Sunday” a ni a. Mizoram Baptist Kohhran Biak In tinah he Ni pual hian Pathianni chawhma Inkhawm hun hman a ni ang. Kumin Relief Sunday Thupui chu “Thil tih that leh thil phal” tih a ni ang a. Headquarters atanga Relief Sunday thuchah buatsaih Kohhran Nipawimawh Bu ami chu Kohhran tinah chhiarchhuah a ni ang.
Kum 1966-1968 lai vel khan Mizoramin hun khirh tak tak mai a tawk chho va, Mau tamin min nuai hnu lawkah Mizoram buaiin min han nang leh ta a. Chubakah tihluihnaa khawsawikhawmin kan awm a, Mizo mipuite kan mangang tak tak a ni. Heng harsatna laka min chhawm dawl turin India ram leh ram pawn thlengin Kohhran kal tlangin tanpuina (relief) kan dawng thin a. Heng tanpuina kan dawnte hi mumal taka kan sem chhuah theihna tur leh Kohhran pawhin mipui mangangte tanpuina tur thawhlawm (Relief Fund) a bika siamtha a ti ta bawk a. He chhawmdawlna rawngbawlna hi Kohhrante thinlungah tuh thar zela, uar deuh deuh a lo nih theih nan kum tiin June thla Pathianni vawi thumna zel hi he mi pual hian Kohhranin hman ni se tih a lo ni ta a ni.
Kum tinin Relief Sunday hi June Pathian ni vawi thumnaah hman a lo ni ta a ni. Chhawmdawlna hna thawk turin tunah chuan BCM Headquarters-ah chauh ni lovin Bial leh Tualchhung kohhranah pawh Relief & Development Committee chu din a lo ni ta zel a. |angkai takin chhawmdawl ngaite chhawmdawl hna a thawk ta a ni. Hemi nia thawhlawm hi tualchhung kohhran tinin Headquarter-a thawn lovin mahni kohhranah relief hna thawh nan hman tur a ni.
.........................
BCM R&D RAWNGBAWLNA REPORT TLANGPUI
Relief & Development Department BCM Rawngbawlna chuan kum 26 hmel alo hmu ve ta reng mai. Kohhran mipui te thahnemngaihna leh min tawngtai puina zarah tluang taka kalin Thalai tamtak thiamna chi hrang hrang-ah Trained chhuah an ni a, Tam takin Sorkar leh NGO-ah te, Private-ah te a hna thawkin mahni leh chhungkua in tunnun na’n an hmang mek a ni.
Lo/Huan neitu chhungkaw tam tak te hnenah zirtirna pek an ni a, Lo/Huan nghet chhenfakawm tak, chhungkaw chawmna atana hmang; khaw hrang hrangah kan nei nual bawk. Hriselna lama hma kan sawn theihna atan inzirtirna neih thin a nih bakah, Zo-Clinic Centre kan neih te hmang tangkaiin Malaria vanga thihna nasa takin a tlem phah bawk a ni.
Heng bakah hian Leilung a Khuarelchhiatna leh Mihring thlen chhiatna thenkhat; tuarte tan Chhawmdawlna leh tanpuina pek thin a ni. Mizoram leh India ram mai nilo Khawvel ram hranga cheng te thlengin, kan Baptist Unau te kaltlanga tanpuina pek a ni bawk.
Tuna BCM R&D dinhmun: STAFF: BCM Support: R&D Staff Substantive - 3, Temporary - 3, BCM Contract Worker - 1 Project staff: Contract a thawk mi 25 an awm mek bawk. Tichuan, kan vain mi 32 thawktu kan awm mek a ni.
SKILL TRAINING:Mihringa thiamna leh theihna tih hmasawnnan leh eizawnna atana hmantlak ni tur a chherchhuah nan kawng hrang hranga hmalakna neih zel a ni a. Hmalak mekna te chu :
Tailoring Training (Puanthui zirna): He Training hi hmeichhe tan bika buatsaih niin thla ruk zir a ni a. Kumin 2016 hian mi 8 in uluk takin training an nei mek a ni.
Computer Training: Computer Training-na hi Pangzawl bial TKP te nen tangkawpin Pangzawlah neih chhunzawm zel a ni a. Report te pawh rawn pe thinin, tunah hian an Computer pawh thuamthat a tih changtlun a ni tawh a, hma pawh an sawn chho zel a ni. BCM Relief and Development Department atangin Certificate pek an ni bawk thin.
AGRICULTURE DEVELOPMENT(HUAN-LO HMASAWNNA)
Khaw hrang hrangah Tlangram lo neih thlak na’n huan nghet neihdan te, Sloping Agricultural Land Technology te, Leitha siam dan te zirtirna pek thin a ni. Tin, Farmers’ club te din niin zirtirna pek an ni a, an huan enkawlna kawngah hmasawnnan anmahni huanah ngei a takin zirtirna pek an ni. Farmer thlanchhuah te hruaiin SHIATS, Allahabad-ah training neihpui an ni. Farmer hlawhtling hmun hrang hrang a mite chanchin zir a kalpui an ni bawk. Tin, Farmers club member thahnem tak hnenah Serthlum Tiak te, Balhla chi te sem chhuah a ni. Farmers thenkhatah subsidy inpek chhuah a ni bawk.
HEALTH DEVELOPMENT(HRISELNA)
Hriselna a hma kan sawn theihna turin zirtirna khaw hrang hrangah neih chhunzawm zel a ni a, Zo-clinic; Malaria leh natna tlanglawn endikna hmun leh damdawi pek chhuah theihna hmun hi khaw 98-ah kalpui mek zel a ni. Hemi atan hian Technician Training pek an ni. He Zo-clinic hi mipuite’n an hmang tangkai hle zel a ni.
WOMEN AND CHILD DEVELOPMENT (HMEICHHIA LEH NAUPANG HMASAWNNA)
Sharing Group (SHG) pawl 20 kan neihte enkawl chhunzawm zel an ni a. Hemi hmang hian mi tam zawk chuan eizawnna ngialnghet leh rintlak zawkin hma an la mek a ni. Tin, Lydia project hnuaia Hmeichhe tan bik a Self Help Group pawh Lawngtlai, Aizawl, Lunglei leh Champhai area-ah te din a ni. Amaherawhchu, Area tin hi anmahniin an kal hrang tawh a, Lunglei Area ah Group 25-ah member 233 awm in, Aizawl Area-ah Group 30-ah member 268 an awm mek a ni. Group te hi Loan pek thin an ni a, Member-te hian an loan lak atang hian eizawnna atan hna kawng hrang hrang an thawk a, an hlawkpui hle thin a ni. Tin, Child Development Centre Project Thuampuiah naupang 308 chawm a enkawl chhunzawm mek a ni a, heng naupang te hi kum 3 – 14 inkar an ni tlangpui. Heng kan naupang zawng zawng tan hian Health Check-up neihpui an ni, kum 9 chin tan Teakwondo class kalpui an ni a, heng bakah hian kum 12 chin tan Environmental awareness te, Recitation Competition te, Letter Writing Competition leh Study tour te Reiek tlang ah-te neihpui an ni bawk.
STAFF TRAINING(THAWKTUTE INTUAITHARNA):
Staff te intuaihriamna leh hmasawnna turin Training buatsaih a ni a, ANNAMED Germany leh Bye Bye Malaria Canada te nena thawkhoin, Staff te leh kan Technician tan Natural medicine chungchangah training neih a ni. Integrated Sustainable Agriculture Training neiin Staff 2 leh Farmers thlan chhuah bik 8 te’n SHIATS, Allahabad-ah tirh an ni bawk a ni. Tin, Kumin 2016 hian kan thawhpui(Partner) te bultumin Thailand-ah Staff 2 Training a tirh tum a ni bawk.
SPIRITUAL AND MORAL DEVELOPMENT WELFARE
R&D a thawk staff te hian nitin zing Dar 9:30 ah Devotion kan hmang thin a. Khawvel hmun hrang hranga kan thawhpuite leh BCM hnuaia Department peng hrang hrangte tan leh Staff te tan tawngtaina hun kan hmang bawk thin. Chutiang bawkin, Trainees te pawhin an zirna hmun theuhah Devotion hun an hmang thin bawk.
RELIEF(CHHAWMDAWLNA)
BCM hmingin chhiattawk hrang hrangte tana tanpuina pek thin a ni a. Kumin 2016 chhung hian khuarel chhiatna Thli leh Rial vangin khaw hrang hrangah chhiatna atam hle a, kan thawhpui ram hrang hrang atangin tanpuina kan dila Austrailia leh Canada atangin tanpuina kan hmu a, Silpouline, thosilen leh Rangva leh Thlai tiak semchhuah mek a ni. Pawisa faiin Bialtu Pastor te kaltlanga pekchhuah kan nei bawk. Tin, BMS atangin Disaster Risk Reduction Training min neihpui tur thu report kan dawng bawk.
PARTNERSHIP(KAN THAWHPUITE)
Global Youth Volunteer Network Canada, NEIDA(Sir Ratan TATA Trust) Baptist Union of Norway leh Compassion East India, CMAI, Bye Bye Malaria Canada, ANNAMED Germany, TAI Austrailia, CBM leh mimal thahnemngaite nen thawhhona la chhunzawm zel a ni. Tin, CASA leh NERLP te nen thawhho na tur ruahmanna buaipui mek a ni bawk.
Heng zawng zawng hi Kohhran te thahnemngaihna leh thawhhona te, inpekna te Lalpa’n malsawmin, Kan tawngtaina min chhansak a ni.
