All India Sunday School Association leh Mizoram Baptist Kohhran, Christian Education Department tangkawp chuan May 17-19, 2017 chhungin Regional Sunday School Teachers’ Training, Serkawn-ah a buatsaih dawn a. He Training-ah hian All India Sunday School Association (AISSA) atang te, Mizoram Sunday School Union atang te, Baptist Church of Mizoram atang tein Resourse Person tha tak takten an kaihruai ang. He training-a lo tel tura ngaih Presbyterian Church of India (Mizoram Synod) atang te, Lairam Isua Krista Baptist Kohhran (LIKBK) atang te, Salvation Army atang te, a dawltu BCM atang tein mi eng emaw zat tel tura beisei an ni. AISSA hotute leh BCM Christian Education hotute chuan Evangelical Church of Maraland (ECM) atang a palai an rawn intir ve thei lo tur chu pawi an tih thu an sawi.
He Training hi Certificate Course niin, subject chi hrang hrang - Sunday School Today, Child Theology, Introduction to Christian Education – Role of Christianity - Nurture in faith and Personality Development, Biblical and Theological Foundation of Christian Education – Use of Bible in everyday life- Relevant Christian Education, Christian Education through Sunday School, Sunday School Curriculum, Understanding the Learners, Sunday School Teacher, Child Right & Child Protection Policy, Parent Community, A Relevant Sunday School – Equipping Teachers and Children, First Things First tihte zir a ni ang.
