BCM Recognised Evangelistic Team te chuan  hmun hrang hrangah rawngbawlna neiin an fehchhuak zel a, Tunkar chhunga rawngbawlna nei mek, report kan dawn chin lo tarlang i la:

#Team Logos, Speaker Andrew Lalhmachhuana Fanai hovin March 12 atangin Rualalung-ah Camping leh Crusade chhawng 5 zet an neihpui a, Camp-a lut hi an vaiin 183 an ni. Rualalunga rawngbawlna an neih zawh hian April ni 2 atangin Chawngte L ah rawngbawlna an chhunzawm leh a. Upa leh Rawngbawltu pual, BKHP Pual, TKP Pual te-in a in dawtin Camping an buatsaih a, hemi chinah hian Camp lut zat hi an vaiin 145 an ni. Tunkar April 18-22 hian BMP pual leh 22 – 23 ah KNP pual-in Camping an nei leh mek a, Pathianni zan thleng hian follow-up Programme an hman zawm leh dawn a ni.

 #BCM Leite chuan Rbt. R. Vanlaldinpuia, BCM Venghlun Pangzawl, Speaker-a hmangin February 16 atang khan Vantlang Camp vawi sarih an neih bakah Fellowship hrang hrang, BMP, BKHP, KNP te pual leh Rawngbawltu pual te-in Camping an buatsaih a. Camping chhawng hrang hrangah hian Campers 386 zet an lut a, heng bakah hian KNP member 84 leh Upa leh Rawngbawltu 20  lang Camp-ah an tel bawk. Kohhran te an hlimin boruak a nuam hle a, Pathianni zan thleng hian Follow-up an hmang chhunzawm dawn a ni.