Tunkar chhung khan Mizoram Baptist Kohhran Relief & Development Department hnuaia Lunglei Self  Help Group hrang hrang te, R & D thawktu ten an tlawh kual a.

Hrileng avangin Self Help Group member te koh khawm leh Training hrang hrang an buatsaih thinte chu tih theih a nih rih loh avangin BCM R&D chuan Self-Help Group member te chu an awmnah kal chilhin hma lak theih dan tur te an kawhmuh in an sawiho nghal a ni.

Tun dinhmunah Lunglei leh, Aizawl Area-ah Self-Help Group 56-ah member 460 vêl an awm mek a. Group-te hi Micro credit loan, Lydia Loan fund atang leh Bank atang te-in pêk thin an ni a, Member-te hian an loan lâk atang hian eizawnna atân hna kawng hrang hrang an thawk a, chumi endik leh monitor hna chu BCM R&D Staff te hian an thawk thin bawk.

Lydia project hnuaia Hmeichhe tân bik Self Help Group Aizawl leh Lunglei area-ah te enkawl chhunzawm zêl a ni a. Hemi hmang hian mi tam he zâwk chuan eizawnna ngêlnghet leh rintlâk zâwkin hma an la mêk a ni.