June 4-14, 2018 chhung hian BCM, Relief & Development Department buatsaihin, urinalysis (zun exam) training neih a ni a. Hetah hian 1st Batch atân Zo clinic Centre-a Technician-te leh kan missonary nurse te atangin mi-8 training pêk mêk an ni a, he project hi chhunzawm zêl tum a ni. Tin, R&D project thar a bul tan nân Kolasib Districtrict chhûngah Baseline survey neih mêk a ni bawk.
BCM R&D hian Zo Clinic Programme neiin Thingtlang lam hriselna kawnga hma an sawn theih nan Technician Training hrang hrang a lo buatsaih tawh thin a. Thisen en te, Injection te, BP Check te, Blood Sugar en te pawh Training pek an ni thin a. Tin, CMAI (Christian Medical Association of India) te leh Mizoram Sorkar thawhhona hnuaiah Malaria do hna thawh chhunzawm zel a ni a, khaw hrang hrang thlan bika thawktu tur Community Health Volunteer Training pawh neih thin a ni bawk.
Tin, BCM R&D hian Bye-Bye Malaria tih thupui-a hmangin Malaria dona Programme a nei bawk a. Canada atangin mi thiam Pu Stuard Spani chuan hemi Programme atan hian Malaria umbona hmarua – Thing tiak Affricca atanga lakluh chu rawn kengin tunah hian R&D Firm, Darzo-ah tih pun mek a ni bawk.
