May thla tira Nghalimluia in 17 zet kang tanpuina atana Lunglei khawpui chhung Kohhran hrang hranga appeal siam chu a hlawhtling hle a, Kohhran 36 leh mimal 2 hnen atanga thilpek tlingkhawm chu a vaiin Rs. 264,500/- a ni. Tanpuina pekkhawm atang hian R&D chuan Rangva bundle 3 leh Thosilen bakah tualchhung Kohhran atanga hmuh Secondhand thawmhnaw truck trip khat a pe a, heng tanpuina hi Rev.F. Ramdinmawia, ES Lawngtlai chuan a hlan a ni. Tin tun hnaia chhiattawkte Zawlpui khuaa kang tuar chhungkaw 12 te leh Serchhip khuaa thli leh ruah avanga in chante hnenah R&D chuan tanpuina sem chhunzawmin pawisa fai, Silpouline, Thosilen, Rangva leh Secondhand tein a tanpui chhunzawm.
Kumin hian Mizoram-ah chhiatna hrang hrang a thleng a. A bik in kangmei, thli leh leimin avangin hmun hrang hrang ah harstana mipuiten an tawk a. He Chhiat tawkte tanpui nan hian BCM R&D chuan Tualchhung Kohhran eng emaw zatah special appeal te siamin pawisa leh thawmhnaw, mutbu leh bungbel thahnem tak mai a dawn atangin pawisa fai bakah Silpouline 67, Second hand bag 80 leh Rangva bundle 51 chu vanduaina tuarte chhawmdawl nan a lo pek chhuak tawh a ni. Tunhnai mai a tanpuina a pek chhuah na hmun te chu Zawlpui, Laipuitlang, Saikhumphai, Putlungsih, Nghalimlui, Serchhip, Bilkhawthlir leh Kolasib te a ni.
