Hnahthial South bial chuan an bialtu pastor, Rev.C. Vanlal-muankima hovin April 22, Pathianni zan hian Hnahthial Chanmari Biak inah Mission Nite an hmang dawn a; he programme hi an bial Secretary in kan palai a hrilh danin ‘Home Coming’ prog-ramme angin hman an tum.

 

Rawngbawlna dangte:

 

Pastor Bial 3, Kohhran  6-ah Mission Convention nei:

Tun Pathianni hmang hian Pastor bial huap Mission Convention hmun thumah neih a ni dawn a; chungte chu Buarpui bial huapin Buarpui Biak inah Rev.Dr.K. Lalrinthanga speaker a ni ang a; Lunglei Electric Bial huap Gosen Biak inah Rev. R. Lalrintluanga speaker a ni ang. Lunglawn bial chhung Kohhran hrang hrang 4-ah a rualin Mission Convention an nei dawn a. Hetiangin Lunglawn Biak inah Rev.LB.Khawpuimawia, Salem Biak inah Rev.C. Rohuama, Shalom Biak inah Pu HS. Lalhmingthanga leh Kanaan Biak inah Rev.C. Chhuntluang hovin hun an hmang ang

 

Ramthim Inkhawmpui:

Chawngte Pastor bial chuan April 20-22, 2012 hian Shalom Biak in, Chawngte ‘P’ah Ramthim Inkhawmpui an nei dawn a. Speaker atan Chakma Mission Director thar, Rev.RC. Lalthan-zama an hmang.

  Workcamp: Bungtlang Unit TKP te chuan April 20-26 chhung hian Dampa-rengpui-ah BBC Hqrs. hmun laiin Workcamp an nei.  

Missionary Furlough:

Tripura-a kan Missionary, Pu C. Lalremsanga (Principal, Tiprah Academy) chuan Vai-rengte bial a tlawh chhuah hnuin Aizawl East bial a tuam leh dawn.

 

Tawipui South-ah KNP Crusade:

Tawipui South Kohhran chuan April 20-22, 2012 hian Pu C. Lalbiakthanga Organiser, PAC(HIV/AIDS) hovin Crusade an nei.

 

Zotlang Kohhran S. Vanlaiphai-ah:

Zotlang (Lunglei) Kohhran Zaipawl leh Worship & Music Committee hruaitute chu Pro Pastor, V. Lalthlamuna hovin vawiin Pathianni hmang hian S. Vanlaiphai Sikul veng Kohhran tlawhin an feh chhuak.

 

 Zohnuai-ah Jubilee Crusade:

Zohnuai Unit TKP chuan an Unit din champha kum 61-na pualin April 20-22, 2012 hian Jubilee Crusade an hmang a; speaker-ah MTKP Vice President, Pu PC. Vanlalrova an hmang.

 

 Shalom Kohhranin Free Medical Camp buatsaih:Mission vengthlang bial Shalom Kohhran Mission Committee chuan April 20, 2012 khan Marpara-ah Free Medical Camp an buatsaih.

   

Evangelist-te Rawngbawlna:

Evangelist team rawngbawl mekte leh an rawngbawlna hmun kan hriat chin hetiang a ni: Ebenezer Ministry (Speaker: H. Vanlalmawii) Aizawl Hunthar Kohhranah. Remna Palai team (Speaker: Ramdinmawia ) Phuldungsei vengthar Kohhranah. Gospel For All team (Speaker: Upa F. Lalnuntluanga) Bungtlang South-ah.