Thlai thar hlan Ni:
August 4, 2013 (pathianni) hi Mizoram Baptist Kohhran ni pawimawhte zinga mi ‘Thlai thar hlan ni’ a ni a. Mizoram Baptist Kohhran tinah Pathianni Chawhma Inkhawm-ah hemi pual hian hun hman a ni ang.(Read Story)
MTKP in Intodelh Seminar an nei dawn
Mizoram TKP chuan tunkar Inrinni, (August 3, 2013) khian Lunglei Electric veng Biak inah Intodelh Seminar an nei dawn a. Seminar hi hun hnihah thenin Session khatnaah AICS Principal, Rev.Dr. R.Zolawma paper, Intodelh Pathian thu atangin tih leh Session hnihnaah MTKP Asst. Secretary, Pu T. Lalhlimpuia hnen atangin Thalaite leh Intodelh tih an zir ho vang. Lunglei khawpui chhung TKP Unit tin aiawh 6 leh Bial tin aiawh 6 zel bakah a duh apiang tan chhim theih a ni.
Haulawng Bial TKP in Thisen Unit 115 an pe:
Haulawng Pastor bial TKP chuan July 27, 2013 (Inrinni) khan a mamawh apiangte hman atan Lunglei Civil Hospital-ah a thlawnin thisen Unit 115 an pe a. Thisen petute hi mipa 85 leh hmeichhia 35 an ni.
Mi 130-in Kohhran Upa Exam dawn
AGS i/c Service Tlabungah:
Rev. Lalbiaksanga Chinzah, AGS i/c Service chu naktuk Zirtawpni hian zan khat riakin Tlabung bialah a kal dawn a; bial puipate nen inkawmhona neiin tlabung-ah English Medium School (Elelmentary Schoo) din chungchang te a sawipui ang a, Inrinni-ah a lo haw leh ang.
Missionary Tirhchhuak dawn (Mission News):
August 11, 2013 Pathianni tuk hian BCM Missionary lak thar 4 te chu Tirhchhuah an ni dawn. Heng mite leh ET School support mi 2, an vaiin mi 6 BCM Hqrs.-ah Orientation (July 29 – August 9) neihpui mek an ni. Tuna tirhchhuah turte nen hiantun dinhmunah BCM chuan Mission Workers 888 kan nei tling ta a ni. (Read More Mission News)CBC Executive Committee:
Chakma Baptist Church chuan a vawi khatna atan nimin, July 31, 2013 khan Executive Committee, Kamalanagar, Chawngte-ah Chakma Mission Director, Rev.RC. Lalthanzama hovin an nei a. Assembly aiawhin CBC Rule ruahman tawh chu pawm a ni.
R&D Training Guwahati-ah:
NYK Mizoram hmalaknain Residential Skill Development Training, Indian Institute of Enterprenuership, Quwahati-a thla thum course training (August - October) neih mekah BCM R&D target mi 9 te chu Tv. Lalrammuana Poonte hovin an thang mek.
Tuak 12 Innei tha:
Hnahthial Bazar Kohhranah nupa tuak 12 te chu bialtu pastor, Rev. Hrangaia Hmar kutah July 12, 2013 khan an innei tha.
Thawktu 3 Pension thlah:
July thla hian Mizoram Baptist Kohhran hnuaia Full Time Workers pathum Pension-a chhuak thlah liam an ni a. Upa LH Liandinga, Office Superintendent, BCM Office chu kum 39 BCM hnuaiah a service hnu-in Agust 1, 2013 atangin hian pension-in a chhuak ta a. Nimin July 31, 2013 khan BCM Headquarters-a thawktuten thlahna Programme Sap Upa leh Pu Buanga Hall-ah an hmang.
Tin, Medical & Health Department (Damdawi in)-a thawktu pahnih, Pu Kapthanga (IV Grade) leh Upa Zairemthanga Sailo (Driver) te chu August 1, 2013 atang khan pension-in an chhuak ta. Pu Kapthanga hi kum 47 a service a, Pu Zaia hi kum 34 a service a ni. Anmahni thlahna hi an Department-a thawktuten urhsun takin an nei.
TKP Day vawi 62 tluang takin hman zawh a ni ta
Evangelist-te Rawngbawlna:
Gospel Messengers team (Speaker: Upa B. Lalthanliana) ten Bazar Pastor bial buatsaihin chhanchhuahna Camp an nei mek a, TKP pual Revival Camp-in chhunzawm a ni ang.
Mizoram For Christ team (Speaker : Upa Tlangmawia) te chuan Lunglawn Kohhranah rawngbawlna an nei mek.
Gospel For All team (Speaker: Upa F. Lalnuntluanga) te chuan vawiin atangin Thaizawlah hun eng emaw chen cham inhuamin an tan leh ta.
...................................
