Electric Pastor bialin Bial huapin Baptisma chan buatsaih
Electric Pastor bial (Lunglei) chuan November 28, 2015 (Inrinni) hian an bial chhung Kohhran hrang hranga baptisma zirlaite pualin a huhova baptisma channa hun an buatsaih dawn a. He chanchin buatsaih lai kar tir lam thleng khan baptisma chang tura beisei zat hi 106 an ni a. A chantirtu atan bialtu pastor, Rev. JC. Vanlalluaia bakah headquarters lama kan pastor te- Rev. R. Zohmingliana, Rev.B.Lalrinawma leh Rev.V.Vanlalchhunga te hman an ni ang. He programme hi Hrangchal Aca-demy Swmming Pool, Hrangchalkawnah neih a ni ang.
Leite Pastor bial TKP Inkhawmpui
Leite Pastor bial TKP chuan tunkar Pathianni hmang hian Rotlang East Biak inah inkhawmpui an nei a, speaker atan Upa PC. Vanlalrova, Electric veng, Lunglei an hmang dawn.
Lungpuizawl Kohhran Workcamp
Lungpuizawl Kohhran Mission Committee chuan November 30 (Thawhtanni) atang hian Belthei khuaa kan Missionary Quarters tur sain Workcamp an nei dawn.
Mission Convention & Consultation
#Haulawng Lamthuamthum Kohhran chuan tun weekend (November 27-29, 2015) hmang hian Mission Consultation programme an hmang dawn a, speaker atan Pu K. Lalchungnunga, Missionary, Arunachal East Field ang hmang ang.
#Theiriat Gilgal Kohhran pawhin hemi hun chhung vek hian ‘Nangni chuan hlau suh u’ tih thupui hmangin Mission Convention an buatsaih dawn a, speaker atan Upa HL. Liantluanga, Mission Promoter an hmang thung ang.
