Solo leh Zaipawl Intihsiak

Aizawl Area Music Committee buatsaihin Aizawl khawpui chhunga Tualchhung Kohhran hrang hrang te Solfa zai lama hma an sawn theih nan July 25-26, 2015 chhung hian Solo leh Zaipawl Intihsiakna an buatsaih dawn a, Inrinni nilengin Intihsiakna hi neih a ni ang a, Zan lamah Worship Service leh Pathianni ah Fakna Inkhawm leh Inpawlhona leh Result puan, lawman semna hun hman a ni ang.

Leadership Training:

Karleh, July 28-31, 2015 chhung hian Siliguri leh Birpara Area-a Kohhran leh Thalai Pawl hruaitute pualin Leadership Training buatsaih a ni a, He hun hmanpui tur leh Resource Person atan Guwahati Regional Director, Rev. Joseph Vanlalruata a kal ang.

Seminar on Church Expansion:

Mizoram Baptist Kohhran Pastoral Committee chuan Pastor Bial hrang hrangah Seminar on Church Expansion Programme an hmang mek a. Tunkar Pathianni, July 26 chawhnu hian Chanmari Buiak In, Lunglei-ah Chanmari Pastor Bial huapin Seminar hi an hmang leh dawn a ni. He hunah hian Pastoral Coordinator, Rev. R. Zohmingliana chu Resource Person a ni ang. Electric Pastor Bial leh Bazar Bial-ah te Seminar hi an lo buatsaih tawh a ni.

Missonary Furlough:

Chakma Mission-a kan Missionary Pi ZD Lalremsiami, Marpara-a thawk mek chuan tunkar atang hian

Furlough Deputation Programme a hmang tan dawn a, Pastor Bial pathum, Champhai, Lunglawn leh Hnahthial South Bial te a fang ang.

R & D Programme:

Mizoram Baptist Kohhran, Relief and Development Department hnuaia ISLDP Project hmalaknain Tunlai hian Muallianpui, Lungleng leh Kawnpui khuaah te Participatory Rural Aphraisal Survey neih mek a ni a, thawktute an fehchhuak mek a ni. Tin, R&D Director, Pu MS Dawngliana pawh July 25 -a NEICORD Board Meeting-a tel turin Guwahati-ah a kal bawk.

Evangelism Programme: Kan hriat theih chinah heng Kohhranah te hian Evangelism programme kalpui mek a ni: # Hnahthial Bazar Kohhranah : Camping - Speaker: Evan. C. Dochhunga, Riangvaite Thian Team # Haulawng Lamthuamthum Kohhranah : Camping – Speaker: Evan.David H Lallawmkima, Evangelical Revivalistic Ministry # Republic Kohhranah : Camping – Speaker: Evan.K.Lalenga, Chanchintha Chhuangtute # Farmveng Kohhranah : Camping – Speaker: Evan.C.Tlangmawia, Mizoram for Christ # Lawngtlai Chanmari Kohhranah : Camping – Speaker: Evan. F. Lalnuntluanga, Gospel for All