General Secretary Kolkatta-ah
BCM General Secretary, Rev.H. Lianngaia chu Senate of Serampore Council Meeting-December 14-a tel turin a thang mek a, karleh thawhtan khian Headquarters lo thleng hman tura beisei a ni.
AGS Service Shillong-ah
Associate General Secretary i/c Service, Rev.C. Ngurhnema chu December 12, 2012 khan NEICC Executive Committee meeting, Shillong-ah BCM aiawhin a tel.
Serchhip Ebenezer Biak in Hawng
Serchhipa Ebenezer Kohhran Biak in chu tunkar Inrinni (December 15, 2012) khian BCM President Elect, Rev.F. Sangvelan a hawng dawn a. He Biak in hi a dung ft.58, a vang ft.34 a ni a, Kohhran member 380 vel an ni.
Chhipphir bialah Mass Baptism
Tun Pathianni (December 16) khian Chhipphir Pastor bial chuan an bial chhunga Baptisma zirlai pawlte pualin a huhova baptisma channa buatsaih an tum a; an vaiin 60 vel an ni ang a, bialtu pastor, Rev.K. Vanlalmuana’n a chantir ang a; chawhnu lamah Lalpa zanriah sacrament buatsaihin lawmluh an ni ang.
Christian Hospital-ah Thla khat chhungin Nau piang 70
Christian Hospital Serkawn-ah November thla chhung khan nau piang 70 zet an awm a; hetih laiin he damdawi in aang hian mitthi 9 an awm. Report-a a lan danin thla khat chhung hian Inentir 2120 an awm a, an zinga 328 chu admit an ni. Zai pui 86 leh zai tenau 25 an nei, thisen unit 182 pek a ni.
MTKP Hruaitute Programme
Mizoram |KP hruaitute chuan tunkar tawp (December 14-16) hian Pastor bial pahnihah inkhawmpui an hmanpui dawn a. Hnahthial South bial TKP inkhawmpui, Lungleng Biak inah Organiser, Rev.Samuel Lalremsanga leh Tv. C. Lalengzuala ten an hmanpui ang a. Mamit bial TKP Inkhawmpuiah Vice President, PC Vanlalrovan a hmanpui ang.
Nupa tuak 41 Innei tha
Tlai khaw hnua kan thudawn danin November 17, 2012(Inrinni) khan Chanmari Vengthlang Kohhranah Nupa tuak 41 te pualin inneih that buatsaih a ni a. Bialtu Pastor, Rev.R. Zohminglianan a kutsuih a, an zingah hian Upa leh Rawngbawltute pawh an tel.
