#Aizawl-ah KNP Hruaitu Seminar October 22, 2016 (Inrinni) hian Aizawl khawpui (Aizawl City) pum huapin KNP hruaitu Seminar Chanmari Biak In-ah an buatsaih dawn a. Resource Persons-ah Pi B.Singpari, KNP Promoter, Pu Lalhriatpuia Chawngthu leh Nl.Cammelia B.Lalhruaitluangi, Counsellor, BCM Counselling Centre Lunglei te an kal ang. Chanchin kan ziak lai hian he Seminar-a tel thei tura inreport chu KNP hruaitu mi 200 chuang zet an ni.
#MTKP Office Bearer-te Tlabungah: Tunkar, ZIrtawpni, October 21-23 Chhung hian Tlabung Pastor Bial TKP chuan Tlabung-ah Inkhawmpui an nei dawn a, He Inkhawmpui hmanpui tur hian MTKP hruaitu (OB) te naktuk hian an kal ang. hemi rual hian MTKP Inkhawmpui 2019 inbuatsaihna an enpui nghal ang.
#Gospel Meeting: October 27-28, 2016 chhung hian Dipsing Academy, Mendavary-ah Rev. Joseph Vanlalruata, Regional Director Speaker-a hmangin Gospel Meeting an nei dawn a, Gospel Meeting hlawhtling tak an neih theih nana tawngtaipui turin Kohhran min sawm a ni.
#Annual Conference: Siliguri Rasbongsi Area, Bengal Field-ah North Bank Baptist Association chuan 2nd Annual Conference ni October 2-23, 2016 chhung in an hmang dawn a, Pathian ni zingah baptisma chan Inkhawm an buatsaih ang. Baptistma chng tur hi mi engngemawzat an awm a ni.
#Leadership Training: Arunachal East Field-a BCM thawhpuite pualin Leadership Training Damro Church-ah 21-23 Oct chhungin neih a ni.
#Evangelism Programme: #Hnahchang Zotuitlang Kohhran chuan October 15 atang khan Rev. H. Lengluta, Aizawl Speaker-a hmangin Crusade leh Gospel Camping an nei mek. An programme duan sa ang chuan tunkar Zirtawp zan thleng an la chhunzawm ang.
#Lungpuizawl Kohhran pawhin Upa Tlangmawia, Mizoram for Christ Team te hmangin Crusade an la nei mek bawk.
